स्याम मने चाकर राखो जी

स्याम मने चाकर राखो जी।
गिरधारी लाला चाकर राखो जी॥

चाकर रहसूँ बाग लगासूँ नित उठ दरसण पासूँ।
ब्रिंदाबन की कुंजगलिन में तेरी लीला गासूँ॥

चाकरी में दरसण पाऊँ सुमिरण पाऊँ खरची।
भाव भगति जागीरी पाऊँ तीनूँ बाताँ सरसी॥

मोर मुकुट पीतांबर सोहै गल बैजंती माला।
ब्रिंदाबन में धेनु चरावे मोहन मुरलीवाला॥

हरे हरे नित बाग लगाऊँ बिच बिच राखूँ क्यारी।
साँवरिया के दरसण पाऊँ पहर कुसुम्मी सारी॥

जोगी आया जोग करणकूँ तप करणे संन्यासी।
हरी भजनकूँ साधू आया ब्रिंदाबन के बासी॥

मीरा के प्रभु गहिर गंभीरा सदा रहो जी धीरा।
आधी रात प्रभु दरसन दीन्हें प्रेमनदी के तीरा॥

Syam mane chakar rakho ji,
Girdhari Lala chakar rakho ji.

Chakar rahasun bag lagasun nit uth darsan pasun,
Brindaban ki kunjgalin mein teri lila gasun.

Chakari mein darsan paun sumiran paun kharachi,
bhav bhagati jagiri paun tinun batan sarasi.

Mor mukut pitambar sohai gal baijanti mala,
Brindaban mein dhenu charave Mohan Murliwala.

Hare hare nit bag lagaun bich bich rakhun kyari,
sanvariya ke darsan paun pahar kusummi sari.

Jogi aya jog karankun tap karne sannyasi,
Hari bhajankun sadhu aya Brindaban ke basi.

Mira ke prabhu gahir gambhira sada raho ji dhira,
adhi rat prabhu darsan dinhen premnadi ke tira.