मेरे तो गिरधर गोपाल, दूसरो न कोई

मेरे तो गिरधर गोपाल दूसरो न कोई।
जाके सिर है मोरपखा मेरो पति सोई॥

तात मात भ्रात बंधु आपनो न कोई।
छाँड़ि दई कुल की कानि कहा करिहै कोई॥
संतन ढिग बैठि बैठि लोकलाज खोई।

चुनरी के किये टूक ओढ़ लीन्हीं लोई।
मोती मूँगे उतार बनमाला पोई॥

अँसुवन जल सींचि-सींचि प्रेम-बेलि बोई।
अब तो बेल फैल गई आणँद फल होई॥

दूध की मथनियाँ बड़े प्रेम से बिलोई।
माखन जब काढ़ि लियो छाछ पिये कोई॥

भगति देखि राजी हुई जगत देखि रोई।
दासी मीरा लाल गिरधर तारो अब मोही॥

Mere to Giridhar Gopal dusro na koi,
jake sir hai morpakha mero pati soi.

Tat mat bhrat bandhu apno na koi,
chhandi dai kul ki kani kaha karihai koi,
santan dhig baithi baithi loklaj khoi.

Chunari ke kiye tuk odh linhin loi,
moti munge utar banmala poi.

Ansuvan jal sinchi-sinchi prem-beli boi,
ab to bel phail gai anand phal hoi.

Dudh ki mathaniyan bade prem se biloi,
makhan jab kadhi liyo chhachh piye koi.

Bhagati dekhi raji hui jagat dekhi roi,
dasi Mira Lal Giridhar taro ab mohi.