मेरो मन अनत कहाँ सुख पावै

मेरो मन अनत कहाँ सुख पावै।
जैसे उड़ि जहाज की पंछी फिरि जहाज पै आवै॥

कमल-नैन को छाँड़ि महातम और देव को ध्यावै।
परम गंग को छाँड़ि पियासो दुरमति कूप खनावै॥

जिहिं मधुकर अंबुज-रस चाख्यो क्यों करील-फल भावै।
सूरदास प्रभु कामधेनु तजि छेरी कौन दुहावै॥

Mero man anat kahan sukh pavai,
jaise udi jahaj ki panchhi phiri jahaj pai avai.

Kamal-nain ko chhandi mahatam aur dev ko dhyavai,
param Gang ko chhandi piyaso duramati kup khanavai.

Jihin madhukar ambuj-ras chakhyo kyon karil-phal bhavai,
Surdas prabhu Kamadhenu taji chheri kaun duhavai.