निसिदिन बरसत नैन हमारे

निसिदिन बरसत नैन हमारे।
सदा रहत पावस ऋतु हम पर जबते स्याम सिधारे॥

अंजन थिर न रहत अँखियन में कर कपोल भये कारे।
कंचुकि-पट सूखत नहिं कबहुँ उर बिच बहत पनारे॥

आँसू सलिल भये पग थाके बहे जात सित तारे।
सूरदास अब डूबत है ब्रज काहे न लेत उबारे॥

Nisidin barsat nain hamare,
sada rahat pavas ritu ham par jabte Syam sidhare.

Anjan thir na rahat ankhiyan mein kar kapol bhaye kare,
kanchuki-pat sukhat nahin kabahun ur bich bahat panare.

Ansu salil bhaye pag thake bahe jat sit tare,
Surdas ab dubat hai Braj kahe na let ubare.