मैया, मैं नहिं माखन खायो

मैया! मैं नहिं माखन खायो।
जानि परै ये सखा सबै मिलि मेरो मुख लपटायो॥

देखि तुही छींके पर भाजन ऊँचे धरि लटकायो।
हौं जु कहत नान्हें कर अपने मैं कैसे करि पायो॥

मुख दधि पोंछि बुद्धि इक कीन्हीं दोना पीठि दुरायो।
डारि साँटि मुसुकाइ जसोदा स्यामहिं कंठ लगायो॥

बाल बिनोद मोद मन मोह्यो भक्ति प्रताप दिखायो।
सूरदास जसुमति को यह सुख सिव बिरंचि नहिं पायो॥

Maiya! main nahin makhan khayo,
jani parai ye sakha sabai mili mero mukh lapatayo.

Dekhi tuhi chhinke par bhajan unche dhari latakayo,
haun ju kahat nanhen kar apne main kaise kari payo.

Mukh dadhi ponchhi buddhi ik kinhin dona pithi durayo,
dari santi musukai Jasoda Syamahin kanth lagayo.

Bal binod mod man mohyo bhakti pratap dikhayo,
Surdas Jasumati ko yah sukh Siv Biranchi nahin payo.