अब मैं नाच्यौ बहुत गुपाल

अब मैं नाच्यौ बहुत गुपाल।
काम-क्रोध कौ पहिरि चोलना, कंठ बिषय की माल॥

महामोह के नूपुर बाजत, निंदा सबद रसाल।
भ्रम-भोयौ मन भयौ पखावज, चलत असंगत चाल॥

तृष्ना नाद करति घट भीतर, नाना बिधि दै ताल।
माया कौ कटि फेंटा बाँध्यौ, लोभ-तिलक दियौ भाल॥

कोटिक कला काछि दिखराई, जल-थल सुधि नहिं काल।
सूरदास की सबै अबिद्या दूरि करौ नँदलाल॥

Ab main nachyau bahut Gupal,
kam-krodh kau pahiri cholna, kanth bishay ki mal.

Mahamoh ke nupur bajat, ninda sabad rasal,
bhram-bhoyau man bhayau pakhavaj, chalat asangat chal.

Trishna nad karati ghat bhitar, nana bidhi dai tal,
maya kau kati phenta bandhyau, lobh-tilak diyau bhal.

Kotik kala kachhi dikhrai, jal-thal sudhi nahin kal,
Surdas ki sabai abidya duri karau Nandlal.