कबहुँक हौं यहि रहनि रहौंगो

कबहुँक हौं यहि रहनि रहौंगो।
श्री रघुनाथ कृपालु कृपा तें संत सुभाव गहौंगो॥

जथालाभ संतोष सदा काहू सों कछु न चहौंगो।
परहित निरत निरंतर मन क्रम बचन नेम निबहौंगो॥

परुष बचन अति दुसह स्रवन सुनि तेहि पावक न दहौंगो।
बिगत मान सम सीतल मन पर गुन नहिं दोष कहौंगो॥

परिहरि देहजनित चिंता दुख सुख समबुद्धि सहौंगो।
तुलसिदास प्रभु यहि पथ रहि अबिचल हरिभक्ति लहौंगो॥

Kabahunk haun yahi rahani rahaungo,
Shri Raghunath kripalu kripa ten sant subhav gahaungo.

Jathalabh santosh sada kahu son kachhu na chahaungo,
parhit nirat nirantar man kram bachan nem nibahaungo.

Parush bachan ati dusah sravan suni tehi pavak na dahaungo,
bigat man sam sital man par gun nahin dosh kahaungo.

Parihari dehjanit chinta dukh sukh sambuddhi sahaungo,
Tulsidas prabhu yahi path rahi abichal Haribhakti lahaungo.