मुदाकरात्तमोदकं सदा विमुक्तिसाधकं
कलाधरावतंसकं विलासिलोकरक्षकम् ।
अनायकैकनायकं विनाशितेभदैत्यकं
नताशुभाशुनाशकं नमामि तं विनायकम् ॥ १ ॥
नतेतरातिभीकरं नवोदितार्कभास्वरं
नमत्सुरारिनिर्जरं नताधिकापदुद्धरम् ।
सुरेश्वरं निधीश्वरं गजेश्वरं गणेश्वरं
महेश्वरं तमाश्रये परात्परं निरन्तरम् ॥ २ ॥
समस्तलोकशङ्करं निरस्तदैत्यकुञ्जरं
दरेतरोदरं वरं वरेभवक्त्रमक्षरम् ।
कृपाकरं क्षमाकरं मुदाकरं यशस्करं
मनस्करं नमस्कृतां नमस्करोमि भास्वरम् ॥ ३ ॥
अकिञ्चनार्तिमार्जनं चिरन्तनोक्तिभाजनं
पुरारिपूर्वनन्दनं सुरारिगर्वचर्वणम् ।
प्रपञ्चनाशभीषणं धनञ्जयादिभूषणं
कपोलदानवारणं भजे पुराणवारणम् ॥ ४ ॥
नितान्तकान्तदन्तकान्तिमन्तकान्तकात्मजं
अचिन्त्यरूपमन्तहीनमन्तरायकृन्तनम् ।
हृदन्तरे निरन्तरं वसन्तमेव योगिनां
तमेकदन्तमेव तं विचिन्तयामि सन्ततम् ॥ ५ ॥
महागणेशपञ्चरत्नमादरेण योऽन्वहं
प्रजल्पति प्रभातके हृदि स्मरन्गणेश्वरम् ।
अरोगतामदोषतां सुसाहितीं सुपुत्रतां
समाहितायुरष्टभूतिमभ्युपैति सोऽचिरात् ॥ ६ ॥
mudākarāttamodakaṃ sadā vimuktisādhakaṃ
kalādharāvataṃsakaṃ vilāsilokarakṣakam
anāyakaikanāyakaṃ vināśitebhadaityakaṃ
natāśubhāśunāśakaṃ namāmi taṃ vināyakam ‖ 1 ‖
natetarātibhīkaraṃ navoditārkabhāsvaraṃ
namatsurārinirjaraṃ natādhikāpaduddharam
sureśvaraṃ nidhīśvaraṃ gajeśvaraṃ gaṇeśvaraṃ
maheśvaraṃ tamāśraye parātparaṃ nirantaram ‖ 2 ‖
samastalokaśaṅkaraṃ nirastadaityakuñjaraṃ
daretarodaraṃ varaṃ varebhavaktramakṣaram
kṛpākaraṃ kṣamākaraṃ mudākaraṃ yaśaskaraṃ
manaskaraṃ namaskṛtāṃ namaskaromi bhāsvaram ‖ 3 ‖
akiñcanārtimārjanaṃ cirantanoktibhājanaṃ
purāripūrvanandanaṃ surārigarvacarvaṇam
prapañcanāśabhīṣaṇaṃ dhanañjayādibhūṣaṇaṃ
kapoladānavāraṇaṃ bhaje purāṇavāraṇam ‖ 4 ‖
nitāntakāntadantakāntimantakāntakātmajaṃ
acintyarūpamantahīnamantarāyakṛntanam
hṛdantare nirantaraṃ vasantameva yogināṃ
tamekadantameva taṃ vicintayāmi santatam ‖ 5 ‖
mahāgaṇeśapañcaratnamādareṇa yo'nvahaṃ
prajalpati prabhātake hṛdi smarangaṇeśvaram
arogatāmadoṣatāṃ susāhitīṃ suputratāṃ
samāhitāyuraṣṭabhūtimabhyupaiti so'cirāt ‖ 6 ‖
अर्थ
1. जो प्रसन्नता से हाथ में मोदक लिए हैं, सदा मुक्ति दिलाते हैं; चन्द्रकला जिनका आभूषण है; जो संसार के लोगों की रक्षा करते हैं। जो अनाथों के एकमात्र नाथ हैं, जिन्होंने गजासुर का नाश किया, जो प्रणाम करने वालों के अशुभ को शीघ्र नष्ट करते हैं, उन विनायक को मैं नमस्कार करता हूँ।
2. जो प्रणाम न करने वालों के लिए भयंकर हैं, नए उगे सूर्य जैसे तेजस्वी हैं; देवता और असुर दोनों जिन्हें नमन करते हैं, जो भक्तों को बड़ी से बड़ी विपत्ति से उबारते हैं; देवेश्वर, निधीश्वर, गजेश्वर, गणेश्वर, महेश्वर, परात्पर, उनकी शरण मैं निरन्तर लेता हूँ।
3. जो सब लोकों का कल्याण करते हैं, जिन्होंने दैत्य-गज को दूर किया, विशाल उदर वाले, श्रेष्ठ, उत्तम हाथी के मुख वाले, अविनाशी; कृपा, क्षमा, आनन्द और यश के आकर, नमन करने वालों को सद्बुद्धि देने वाले, उन तेजस्वी को मैं नमस्कार करता हूँ।
4. जो निर्धनों का दुख पोंछते हैं, प्राचीन वाणी जिनका गान करती है, जो त्रिपुरारि शिव के ज्येष्ठ पुत्र हैं, देवशत्रुओं का गर्व चूर करते हैं; प्रलय के समय भयंकर, धनंजय आदि नागों से विभूषित, गण्डस्थल से मद बहाने वाले, उन पुराण गजराज को मैं भजता हूँ।
5. जो अन्तक का अन्त करने वाले शिव के पुत्र हैं, जिनके दाँत की कान्ति अत्यन्त सुन्दर है; जिनका रूप अचिन्त्य है, जो अनन्त हैं, विघ्नों को काटने वाले हैं; जो योगियों के हृदय में निरन्तर बसते हैं, उन एकदन्त का ही मैं सदा चिन्तन करता हूँ।
6. जो प्रतिदिन प्रभात में हृदय में गणेश्वर का स्मरण करते हुए आदर से इस महागणेश पञ्चरत्न का पाठ करता है, वह शीघ्र ही आरोग्य, निर्दोषता, उत्तम विद्या, सुपुत्र, स्थिर दीर्घ आयु और अष्ट ऐश्वर्य पाता है।
इस भजन के बारे में
पाँच श्लोक, पाँच रत्न, और छठा श्लोक जो इनका फल बताता है। छन्द प्रमाणिका है, हर पंक्ति में आठ अक्षर, लघु-गुरु बारी-बारी, इसलिए स्तोत्र नगाड़े की थाप जैसा चलता है और तमिल और कन्नड़ घरों के बच्चे इसे सुनकर ही सीख लेते हैं। यह गणपति के सबसे घरेलू चित्र से शुरू होता है, हाथ में प्रसन्नता से पकड़ा मोदक, और योगी के गणपति पर समाप्त होता है जो हृदय में बसते हैं। गणेश चतुर्थी पर मिट्टी की मूर्ति के चारों ओर बैठे परिवार सबसे अधिक यही स्तोत्र गाते हैं। 1910 के संस्करण में अन्तिम श्लोक में "समाहितायुः" है, यानी स्थिर आयु; बहुत सी पुस्तिकाओं में "समीहितायुः" है, मनचाही आयु।
Adi Shankaracharya, Ganesha Pancharatnam, vv. 1–6: Works of Sri Sankaracharya (Vani Vilas Press, Srirangam, 1910), sa.wikisource "गणेशपञ्चरत्नम् (मूलसहितम्)"