प्रभु अगाध सत कोटि पताला । समन कोटि सत सरिस कराला ॥
तीरथ अमित कोटि सम पावन । नाम अखिल अघ पूग नसावन ॥
prabhu agādha sata koṭi patālā | samana koṭi sata sarisa karālā ||
tīratha amita koṭi sama pāvana | nāma akhila agha pūga nasāvana ||
Uttara Kanda
Chapter 92: No likeness for Rama; He is won by love
7 verses · 92 of 130
What happens in this chapter
No likeness for Rama; He is won by love
Kakbhushundi finishes his list for Garuda. The Lord is deep as crores of patalas, steady as crores of Himalayas, wish-granting as crores of Kamadhenus; He creates like crores of Brahmas, sustains like crores of Vishnus and dissolves like crores of Rudras. His name wipes out every heap of sin. Then the chhand turns it round: the Vedas say Rama has no equal, and such comparisons are like calling the sun equal to fireflies. Still the merciful Lord, who values bhava, is pleased by praise sung with love. Bhushundi says he has told only what he heard from saints. So give up pride and possessiveness and always worship Sita's beloved.
हिमगिरि कोटि अचल रघुबीरा । सिन्धु कोटि सत सम गम्भीरा ॥
कामधेनु सत कोटि समाना । सकल काम दायक भगवाना ॥
himagiri koṭi acala raghubīrā | sindhu koṭi sata sama gambhīrā ||
kāmadhenu sata koṭi samānā | sakala kāma dāyaka bhagavānā ||
सारद कोटि अमित चतुराई । विधि सत कोटि सृष्टि निपुनाई ॥
बिष्नु कोटि सम पालन कर्ता । रुद्र कोटि सत सम संहर्ता ॥
sārada koṭi amita caturāī | vidhi sata koṭi sṛṣṭi nipunāī ||
biṣnu koṭi sama pālana kartā | rudra koṭi sata sama saṃhartā ||
धनद कोटि सत सम धनवाना । माया कोटि प्रपञ्च निधाना ॥
भार धरन सत कोटि अहीसा । निरवधि निरुपम प्रभु जगदीसा ॥
dhanada koṭi sata sama dhanavānā | māyā koṭi prapañca nidhānā ||
bhāra dharana sata koṭi ahīsā | niravadhi nirupama prabhu jagadīsā ||
निरुपम न उपमा आन राम समान राम निगम कहै ।
जिमि कोटि सत खद्योत सम रबि, कहत अति लघुता लहै ॥
एहि भाँति निज निज मति-बिलास मुनिस हरिहि बखानहीं ।
प्रभु भाव गाहक अति कृपाल सप्रेम सुनि सचु पावहीं ॥
nirupama na upamā āna rāma samāna rāma nigama kahai |
jimi koṭi sata khadyota sama rabi, kahata ati laghutā lahai ||
ehi bhām̐ti nija nija mati-bilāsa munisa harihi bakhānahīṃ |
prabhu bhāva gāhaka ati kṛpāla saprema suni sacu pāvahīṃ ||
राम अमित गुन सागर, थाह कि पावइ कोइ ।
सन्तन्ह सन जस कछु सुनेउँ, तुम्हहिं सुनायउँ सोइ ॥
rāma amita guna sāgara, thāha ki pāvai koi |
santanha sana jasa kachu suneum̐, tumhahiṃ sunāyaum̐ soi ||
भाव बस्य भगवान, सुख निधान करुना भवन ।
तजि ममता मद मान, भजिअ सदा सीता रवन ॥
bhāva basya bhagavāna, sukha nidhāna karunā bhavana |
taji mamatā mada māna, bhajia sadā sītā ravana ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0