सुनि भुसुंडि के बचन सुहाये । हरषित खगपति पङ्ख फुलाये ॥
नयन नीर मन अति हरषाना । श्रीरघुपति प्रताप उर आना ॥
suni bhusuṃḍi ke bacana suhāye | haraṣita khagapati paṅkha phulāye ||
nayana nīra mana ati haraṣānā | śrīraghupati pratāpa ura ānā ||
Uttara Kanda
Chapter 93: Garuda's delusion is healed; he asks more
6 verses · 93 of 130
What happens in this chapter
Garuda's delusion is healed; he asks more
Hearing Bhushundi, Garuda fluffs his feathers in joy, his eyes fill, and he holds Raghupati's glory in his heart. He repents that he took the beginningless Brahman for a man, and bows again and again at the crow's feet, loving him as he loves Rama. No one crosses the sea of becoming without a guru, he says, even one equal to Brahma or Shankara. The snake of doubt had bitten him, its poison rising in waves of false argument; Bhushundi came as the snake-charmer sent by Raghunayaka and revived him. Praising him, head bowed and palms joined, Garuda asks gently for answers, as a servant asks his master.
पाछिल मोह समुझि पछिताना । ब्रह्म अनादि मनुज करि माना ॥
पुनि पुनि काम चरन सिर नावा । जानि राम सम प्रेम बढ़ावा ॥
pāchila moha samujhi pachitānā | brahma anādi manuja kari mānā ||
puni puni kāma carana sira nāvā | jāni rāma sama prema bar̤hāvā ||
गुरु बिनु भव निधि तरइ न कोई । जौं बिरञ्चि सङ्कर सम होई ॥
संसय सर्प ग्रसेउ मोहि ताता । दुखद लहरि कुतर्क बहु ब्राता ॥
guru binu bhava nidhi tarai na koī | jauṃ birañci saṅkara sama hoī ||
saṃsaya sarpa graseu mohi tātā | dukhada lahari kutarka bahu brātā ||
तव सरूप गारुड़ि रघुनायक । मोहि जिआयउ जन सुखदायक ॥
तव प्रसाद मम मोह नसाना । राम रहस्य अनूपम जाना ॥
tava sarūpa gārur̤i raghunāyaka | mohi jiāyau jana sukhadāyaka ||
tava prasāda mama moha nasānā | rāma rahasya anūpama jānā ||
ताहि प्रसंसि बिबिध बिधि, सीस नाइ कर जोरि ।
बचन बिनीत सप्रेम मृदु, बोलेउ गरुड़ बहोरि ॥
tāhi prasaṃsi bibidha bidhi, sīsa nāi kara jori |
bacana binīta saprema mṛdu, boleu garur̤a bahori ||
प्रभु अपने अबिबेक ते, बूझउँ स्वामी तोहि ।
कृपासिन्धु सादर कहहु, जानि दास निज मोहि ॥
prabhu apane abibeka te, būjhaum̐ svāmī tohi |
kṛpāsindhu sādara kahahu, jāni dāsa nija mohi ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0