6 verses · 91 of 130
Kakbhushundi tells Garuda he has sung the Lord's power only as far as his understanding reaches, adding no clever devices; he saw it all with his own eyes. Rama's names, forms and deeds are endless. Munis sing them each by his own capacity, and still the Vedas, Shesha and Shiva never reach the far shore. Birds from Garuda down to the gnat fly the sky and none finds its end. Then come comparisons, each a hundred crore times over. Rama is lovelier than a hundred crore Kamadevas, crushes foes like countless Durgas, is mighty as a hundred crore winds, bright as a hundred crore suns, cool as a hundred crore moons, hard to overcome as Kala.
निज मति सरिस नाथ मैं गाई । प्रभु प्रताप महिमा खगराई ॥
कहेउँ न कछु करि जुगुति बिसेखी । यह सब मैं निज नयनन्हि देखी ॥
nija mati sarisa nātha maiṃ gāī | prabhu pratāpa mahimā khagarāī ||
kaheum̐ na kachu kari juguti bisekhī | yaha saba maiṃ nija nayananhi dekhī ||
महिमा नाम रूप गुन गाथा । सकल अमित अनन्त रघुनाथा ॥
निज निज मति मुनि हरि गुन गावहिँ । निगम सेष सिव पार न पावहिँ ॥
mahimā nāma rūpa guna gāthā | sakala amita ananta raghunāthā ||
nija nija mati muni hari guna gāvahim̐ | nigama seṣa siva pāra na pāvahim̐ ||
तुम्हहिँ आदि खग मसक प्रजन्ता । नभ उड़ाहिं नहिं पावहिँ अन्ता ॥
तिमि रघुपति महिमा अवगाहा । तात कबहुँ कोउ पाव कि थाहा ॥
tumhahim̐ ādi khaga masaka prajantā | nabha ur̤āhiṃ nahiṃ pāvahim̐ antā ||
timi raghupati mahimā avagāhā | tāta kabahum̐ kou pāva ki thāhā ||
राम काम सत कोटि सुभग तन । दुर्गा कोटि अमित अरि मर्दन ॥
सक्र कोटि सत सरिस बिलासा । नभ सत कोटि अमित अवकासा ॥
rāma kāma sata koṭi subhaga tana | durgā koṭi amita ari mardana ||
sakra koṭi sata sarisa bilāsā | nabha sata koṭi amita avakāsā ||
मरुत कोटि सत बिपुल बल, रबि सत कोटि प्रकास ।
ससि सत कोटि सुसीतल, समन सकल भव त्रास ॥
maruta koṭi sata bipula bala, rabi sata koṭi prakāsa |
sasi sata koṭi susītala, samana sakala bhava trāsa ||
काल कोटि सत सरिस-अति, दुस्तर दुर्ग दुरन्त ।
धूमकेतु सत कोटि सम, दुराधरष भगवन्त ॥
kāla koṭi sata sarisa-ati, dustara durga duranta |
dhūmaketu sata koṭi sama, durādharaṣa bhagavanta ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0
