लङ्कापति कपीस नल नीला । जामवम्त अङ्गद सुभसीला ॥
हनुमदादि सब बानर बीरा । धरे मनोहर मनुज सरीरा ॥
laṅkāpati kapīsa nala nīlā | jāmavamta aṅgada subhasīlā ||
hanumadādi saba bānara bīrā | dhare manohara manuja sarīrā ||
Uttara Kanda
Chapter 8: Rama presents his friends to Vasishtha
7 verses · 8 of 130
What happens in this chapter
Rama presents his friends to Vasishtha
Vibhishana, Sugriva, Jambavan, Angada, Hanuman and the other monkey heroes have taken handsome human forms. They praise Bharata's love and vows, and the citizens' devotion. Rama tells his friends to bow at the guru's feet: Vasishtha is the revered teacher of our line, and by his grace the demons fell. Then to the sage: these friends became my rafts across the sea of war. For my sake they staked their lives, and they are dearer to me than even Bharata. All are lost in joy. They bow to Kausalya, who blesses them as dear to her as Raghunath. Flowers rain as the Lord goes toward the palace.
भरत सनेह सील ब्रत नेमा । सादर सब बरनहिँ अति प्रेमा ॥
देखि नगरबासिन्ह का रीती । सकल सराहहिं प्रभु-पद-प्रीती ॥
bharata saneha sīla brata nemā | sādara saba baranahim̐ ati premā ||
dekhi nagarabāsinha kā rītī | sakala sarāhahiṃ prabhu-pada-prītī ||
पुनि रघुपति सब सखा बोलाये । मुनि-पद लागहु सकल सिखाये ॥
गुरु बसिष्ट कुलपूज्य हमारे । इन्ह की कृपाँ दनुज रन मारे ॥
puni raghupati saba sakhā bolāye | muni-pada lāgahu sakala sikhāye ||
guru basiṣṭa kulapūjya hamāre | inha kī kṛpām̐ danuja rana māre ||
ये सब सखा सुनहु मुनि मेरे । भए समर सागर कहं बेरे ॥
मम हित लागि जनम इन्ह हारे । भरतहु ते मोहि अधिक पिआरे ॥
ye saba sakhā sunahu muni mere | bhae samara sāgara kahaṃ bere ||
mama hita lāgi janama inha hāre | bharatahu te mohi adhika piāre ||
सुनि प्रभु बचन मगन सब भये । निमिष निमिष उपजत सुख नये ॥
suni prabhu bacana magana saba bhaye | nimiṣa nimiṣa upajata sukha naye ||
कौसल्या के चरनन्हि, पुनि तिन्ह नायउ साथ ।
आसिष दीन्ही हरषि तुम्ह, प्रिय मम जिमि रघुनाथ ॥
kausalyā ke carananhi, puni tinha nāyau sātha |
āsiṣa dīnhī haraṣi tumha, priya mama jimi raghunātha ||
सुमन वृष्टि नभ सङ्कुल, भवन चले सुखकन्द ।
चढ़ी अटारिन्ह देखहिँ, नगर नारी नर बृन्द ॥
sumana vṛṣṭi nabha saṅkula, bhavana cale sukhakanda |
car̤hī aṭārinha dekhahim̐, nagara nārī nara bṛnda ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0