कञ्चन कलस बिचित्र संवारे । सबहिं धरे सजि निज निज द्वारे ॥
बन्दनवार पताका केतू । सबन्हि बनाये मङ्गल हेतू ॥
kañcana kalasa bicitra saṃvāre | sabahiṃ dhare saji nija nija dvāre ||
bandanavāra patākā ketū | sabanhi banāye maṅgala hetū ||
Uttara Kanda
Chapter 9: The adorned city welcomes its Lord
7 verses · 9 of 130
What happens in this chapter
The adorned city welcomes its Lord
Every household sets decorated golden pitchers at its door and hangs garlands of leaves and flags. Lanes are sprinkled with scented water, squares filled with patterns of elephant pearls, and drums sound across the city. Women make offerings, bless him, and wave arati for the remover of sorrow. Shiva tells Uma that even the Vedas, Shesha and Sharada stand amazed at this scene; how could a mortal tell it? The women of Ayodhya were like night lilies closed under the sun of separation; now they open at the sight of Rama, the full moon. Drums beat in the sky, and the Lord goes home.
बीथीं सकल सुगन्ध सिंचाई । गजमनि रचि बहु चौक पुराई ॥
नाना भाँति सुमङ्गल साजे । हरषि नगर निसान बहु बाजे ॥
bīthīṃ sakala sugandha siṃcāī | gajamani raci bahu cauka purāī ||
nānā bhām̐ti sumaṅgala sāje | haraṣi nagara nisāna bahu bāje ||
जहँ तहँ नारि निछावर करहीं । देहिँ असीस हरष उर भरहीं ॥
कञ्चन थार आरती नाना । जुबती सजें करहिँ सुभ माना ॥
jaham̐ taham̐ nāri nichāvara karahīṃ | dehim̐ asīsa haraṣa ura bharahīṃ ||
kañcana thāra āratī nānā | jubatī sajeṃ karahim̐ subha mānā ||
करहिँ आरती आरति-हर कें । रघुकुल-कमल-बिपिन दिनकर कें ॥
पुर सोभा सम्पति कल्याना । निगम सेष सारदा बखाना ॥
karahim̐ āratī ārati-hara keṃ | raghukula-kamala-bipina dinakara keṃ ||
pura sobhā sampati kalyānā | nigama seṣa sāradā bakhānā ||
तेउ यह चरित देखि ठगि रहहीं । उमा तासु गुन नर किमि कहहीँ ॥
teu yaha carita dekhi ṭhagi rahahīṃ | umā tāsu guna nara kimi kahahīm̐ ||
नारि कुमुदिनीं अवध सर, रघुपति बिरह दिनेस ।
अस्त भये बिगसत भईँ, निरखि राम राकेस ॥
nāri kumudinīṃ avadha sara, raghupati biraha dinesa |
asta bhaye bigasata bhaīm̐, nirakhi rāma rākesa ||
होहिँ सगुन सुभ बिबिध बिधि, बाजहिँ गगन निसान ।
पुर नर नारि सनाथ करि, भवन चले भगवान ॥
hohim̐ saguna subha bibidha bidhi, bājahim̐ gagana nisāna |
pura nara nāri sanātha kari, bhavana cale bhagavāna ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0