भरतानुज लछिमन पुनि भेँटे । दुसह बिरह सम्भव दुख मेटे ॥
सीता चरन भरत सिर नावा । अनुज समेत परम सुख पावा ॥
bharatānuja lachimana puni bhem̐ṭe | dusaha biraha sambhava dukha meṭe ||
sītā carana bharata sira nāvā | anuja sameta parama sukha pāvā ||
Uttara Kanda
Chapter 6: Rama meets every citizen at once
8 verses · 6 of 130
What happens in this chapter
Rama meets every citizen at once
Shatrughna and Lakshmana embrace; Bharata and Shatrughna bow at Sita's feet. Every citizen longs to meet the Lord, so the merciful one plays a wonder: he appears in countless forms at once and meets each as befits them, ending all sorrow with a glance. Shiva tells Uma that no one grasped this secret. Then the mothers run to him like cows driven to the forest at dawn, racing home at dusk to their calves, udders dripping, lowing. Sumitra embraces Rama. Kaikeyi meets him, full of shame. Lakshmana goes to Kaikeyi again and again, yet the hurt in her heart will not leave.
प्रभु बिलोकि हरषे पुरबासी । जनित बियोग बिपति सब नासी ॥
प्रेमातुर सब लोग निहारी । कौतुक कीन्ह कृपाल खरारी ॥
prabhu biloki haraṣe purabāsī | janita biyoga bipati saba nāsī ||
premātura saba loga nihārī | kautuka kīnha kṛpāla kharārī ||
अमित रूप प्रगटे तेहि काला । जथा जोग मिले सबहि कृपाला ॥
कृपादृष्टि रघुबीर बिलोकी । किये सकल नर नारि बिसोकी ॥
amita rūpa pragaṭe tehi kālā | jathā joga mile sabahi kṛpālā ||
kṛpādṛṣṭi raghubīra bilokī | kiye sakala nara nāri bisokī ||
छन मह सबहि मिले भगवाना । उमा मरम यह काहु न जाना ॥
एहि बिधि सबहि सुखी करि रामा । आगें चले सील-गुन-धामा ॥
chana maha sabahi mile bhagavānā | umā marama yaha kāhu na jānā ||
ehi bidhi sabahi sukhī kari rāmā | āgeṃ cale sīla-guna-dhāmā ||
कौसल्यादि मातु सब धाई । निरखि बच्छ जनु धेनु लवाई ॥
kausalyādi mātu saba dhāī | nirakhi baccha janu dhenu lavāī ||
जनु धेनु बालक बच्छ तजि गृहँ, चरन बन परबस गईं ।
दिन अन्त पुर रुख स्त्रवत थन, हुङ्कार करि धावत भई ॥
अति प्रेम सब मातु भेटीं, बचन मृदु बहु बिधि कहे ।
गइ बिषम बियोग भव तिन्ह, हरष सुख अगनित लहे ॥
janu dhenu bālaka baccha taji gṛham̐, carana bana parabasa gaīṃ |
dina anta pura rukha stravata thana, huṅkāra kari dhāvata bhaī ||
ati prema saba mātu bheṭīṃ, bacana mṛdu bahu bidhi kahe |
gai biṣama biyoga bhava tinha, haraṣa sukha aganita lahe ||
भेटेउ तनय सुमित्राँ, राम चरन रति जानि ।
रामहि मिलत कैकेई, हृदयँ बहुत सकुचानि ॥
bheṭeu tanaya sumitrām̐, rāma carana rati jāni |
rāmahi milata kaikeī, hṛdayam̐ bahuta sakucāni ||
लछिमन सब मातन्ह मिलि, हरष आसिष पाई ।
कैकई कहँ पुनि पुनि मिले, मन कर छोभु न जाइ ॥
lachimana saba mātanha mili, haraṣa āsiṣa pāī |
kaikaī kaham̐ puni puni mile, mana kara chobhu na jāi ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0