आये भरत सङ्ग सब लोगा । कृस तन श्रीरघुबीर बियोगा ॥
बामदेव बसिष्ठ मुनिनायक । देखे प्रभु महि धरि धनु सायक ॥
āye bharata saṅga saba logā | kṛsa tana śrīraghubīra biyogā ||
bāmadeva basiṣṭha munināyaka | dekhe prabhu mahi dhari dhanu sāyaka ||
Uttara Kanda
Chapter 5: Rama embraces Bharata at last
7 verses · 5 of 130
What happens in this chapter
Rama embraces Bharata at last
Seeing Vamadeva and Vasishtha, the Lord lays his bow on the ground and runs to clasp the guru's feet, then bows to the Brahmins. Bharata takes hold of the feet that Shiva and Brahma worship and lies on the earth, refusing to rise. Rama lifts him by force and holds him to his heart, tears in his lotus eyes. Tulsidas says it was as if Love and Beauty had taken bodies and met. Shiva tells Uma that Bharata could not answer when asked his welfare; his heart said, now I am well, for the Lord pulled me out as I drowned. Rama embraces Shatrughna, and Lakshmana meets Bharata.
धाइ धरे गुर चरन-सरोरुह । अनुज सहित अति पुलक तनोरुह ॥
भेंटि कुसल बूझी मुनिराया । हमरें कुसल तुम्हारिहिं दाया ॥
dhāi dhare gura carana-saroruha | anuja sahita ati pulaka tanoruha ||
bheṃṭi kusala būjhī munirāyā | hamareṃ kusala tumhārihiṃ dāyā ||
सकल द्विजन्ह मिलि नायउ माथा । धरम धुरन्धर रघुकुल नाथा ॥
गहे भरत पुनि प्रभु-पद-पङ्कज । नमत जिन्हहि सुर मुनि सङ्कर अज ॥
sakala dvijanha mili nāyau māthā | dharama dhurandhara raghukula nāthā ||
gahe bharata puni prabhu-pada-paṅkaja | namata jinhahi sura muni saṅkara aja ||
परे भूमि नहिँ उठत उठाये । बर करि कृपासिन्धु उर लाये ॥
स्यामल गात रोम भये ठाढ़े । नव-राजीव-नयन जल बाढ़े ॥
pare bhūmi nahim̐ uṭhata uṭhāye | bara kari kṛpāsindhu ura lāye ||
syāmala gāta roma bhaye ṭhār̤he | nava-rājīva-nayana jala bār̤he ||
राजीव-लोचन स्त्रवत जल तन, ललित पुलकावलि बनी ।
अति प्रेम हृदयँ लगाइ अनुजहि, मिले प्रभु त्रिभुवन धनी ॥
प्रभु मिलत अनुजहि सोह मो पहिँ, जाति नहिँ उपमा कही ।
जनु प्रेम अरु सिङ्गार तनु धरि, मिले बर सुखमा लही ॥
rājīva-locana stravata jala tana, lalita pulakāvali banī |
ati prema hṛdayam̐ lagāi anujahi, mile prabhu tribhuvana dhanī ||
prabhu milata anujahi soha mo pahim̐, jāti nahim̐ upamā kahī |
janu prema aru siṅgāra tanu dhari, mile bara sukhamā lahī ||
बूझत कृपानिधि कुसल भरतहि, बचन बेगि न आवई ।
सुनु सिवा सो सुख बचन मन से, भिन्न जान जो पावई ॥
अब कुसल कौसलनाथ आरत जानि जन दरसन दियो ।
बूड़त बिरह बारीस कृपानिधान मोहि कर गहि लियो ॥
būjhata kṛpānidhi kusala bharatahi, bacana begi na āvaī |
sunu sivā so sukha bacana mana se, bhinna jāna jo pāvaī ||
aba kusala kausalanātha ārata jāni jana darasana diyo |
būr̤ata biraha bārīsa kṛpānidhāna mohi kara gahi liyo ||
पुनि प्रभु हरषि सत्रुहन, भेँटे हृदयँ लगाइ ।
लछिमन भरत मिले तम, परम प्रेम दोउ भाइ ॥
puni prabhu haraṣi satruhana, bhem̐ṭe hṛdayam̐ lagāi |
lachimana bharata mile tama, parama prema dou bhāi ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0