तेहिं गिरि रुचिर बसइ खग लाई । तासु नास कल्पांत न होई ॥
माया कृत गुन दोष अनेका । मोह मनोज आदि अबिबेका ॥
tehiṃ giri rucira basai khaga lāī | tāsu nāsa kalpāṃta na hoī ||
māyā kṛta guna doṣa anekā | moha manoja ādi abibekā ||
Uttara Kanda
Chapter 57: Kakbhushundi's ashram and Shiva as a swan
6 verses · 57 of 130
What happens in this chapter
Kakbhushundi's ashram and Shiva as a swan
On that mountain, Bhagwan Shiva tells Uma, lives a bird who does not perish even at the end of a kalpa. The faults that maya spreads through the whole world, delusion, desire and the rest, never come near that hill. Under the peepal he meditates; under the pakar he does japa and yajna; in the mango's shade he offers worship in the mind. Hari's bhajan is his only work. Under the banyan he tells the katha of Hari, and many birds come to listen as he sings Rama's wondrous deeds with love. Seeing this, Shiva felt special joy. He took a swan's body, stayed there some time hearing Raghupati's glories, and then returned to Kailash.
रहे व्यापि समस्त जग माहीँ । तेहि गिरि निकट कबहुँ नहिँ जाहीँ ॥
तहँ बसि हरिहि भजइ जिमि कागा । सो सुनु उमा सहित अनुरागा ॥
rahe vyāpi samasta jaga māhīm̐ | tehi giri nikaṭa kabahum̐ nahim̐ jāhīm̐ ||
taham̐ basi harihi bhajai jimi kāgā | so sunu umā sahita anurāgā ||
पीपर तरु तर ध्यान सो धरई । जाप जग्य पाकरि तर करई ॥
आँब छाहँ कर मानस-पूजा । तजि हरि भजन काज नहिँ दूजा ॥
pīpara taru tara dhyāna so dharaī | jāpa jagya pākari tara karaī ||
ām̐ba chāham̐ kara mānasa-pūjā | taji hari bhajana kāja nahim̐ dūjā ||
घर तर कह हरि कथा प्रसङ्गा । आवहिँ सुनहिँ अनेक बिहङ्गा ॥
राम चरित विचित्र विधि नाना । प्रेम सहित कर सादर गाना ॥
ghara tara kaha hari kathā prasaṅgā | āvahim̐ sunahim̐ aneka bihaṅgā ||
rāma carita vicitra vidhi nānā | prema sahita kara sādara gānā ||
सुनहिँ सकल मति बिमल मराला । बसहिँ निरन्तर जो तेहिं ताला ॥
जब मैं जाइ सो कौतुक देखा । उर उपजा आनन्द बिसेषा ॥
sunahim̐ sakala mati bimala marālā | basahim̐ nirantara jo tehiṃ tālā ||
jaba maiṃ jāi so kautuka dekhā | ura upajā ānanda biseṣā ||
तब कछु काल मराल तनु, धरि तहँ कीन्ह निवास ।
सादर सुनि रघुपति गुन, पुनि आयउँ कैलास ॥
taba kachu kāla marāla tanu, dhari taham̐ kīnha nivāsa |
sādara suni raghupati guna, puni āyaum̐ kailāsa ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0