6 verses · 56 of 130
Bhagwan Shiva tells Uma how he himself first heard the katha. In her earlier birth she came to Daksha's house as Sati. Insulted at Daksha's sacrifice, she gave up her life in great anger, and Shiva's attendants destroyed the yajna; she knows that whole account. Shiva was stricken by the parting and wandered in detachment through lovely forests, hills, rivers and lakes. Far to the north, beyond Sumeru, stands a beautiful blue mountain with four golden peaks. On each grows one great tree: banyan, peepal, pakar and mango. Above them lies a fair lake with jewelled steps, its water cool, clear and sweet, full of many-coloured lotuses, swans calling softly and bees humming.
मैं जिमि कथा सुनी भव मोचनि । सो प्रसङ्ग सुनु सुमुखि सुलोचनि ॥
प्रथम दच्छ गृह तव अवतारा । सती नाम तब रहा तुम्हारा ॥
maiṃ jimi kathā sunī bhava mocani | so prasaṅga sunu sumukhi sulocani ||
prathama daccha gṛha tava avatārā | satī nāma taba rahā tumhārā ||
दच्छ जज्ञ तव भा अपमाना । तुम्ह अति क्रोध तजे तब प्राना ॥
मम अनुचरन्ह कीन्ह मख भङ्गा । जानहु तुम्ह सो सकल प्रसङ्गा ॥
daccha jajña tava bhā apamānā | tumha ati krodha taje taba prānā ||
mama anucaranha kīnha makha bhaṅgā | jānahu tumha so sakala prasaṅgā ||
तब अति सोच भयउ सन मोरें । दुखी भयउँ बियोग प्रिय तोरें ॥
सुन्दर बन गिरि सरित तड़ागा । कौतुक देखत फिरउँ बेरागा ॥
taba ati soca bhayau sana moreṃ | dukhī bhayaum̐ biyoga priya toreṃ ||
sundara bana giri sarita tar̤āgā | kautuka dekhata phiraum̐ berāgā ||
गिरि सुमेरु उत्तर दिसि दूरी । नील सैल एक सुन्दर भूरी ॥
तासु कनक-मय सिखर सुहाये । चारि चारु मोरे मन भाये ॥
giri sumeru uttara disi dūrī | nīla saila eka sundara bhūrī ||
tāsu kanaka-maya sikhara suhāye | cāri cāru more mana bhāye ||
तिन्ह पर एक एक बिटप बिसाला । बट पीपर पाकरी रसाला ॥
सैलोपरि सर सुन्दर सोहा । मनि सोपान देखि मन मोहा ॥
tinha para eka eka biṭapa bisālā | baṭa pīpara pākarī rasālā ||
sailopari sara sundara sohā | mani sopāna dekhi mana mohā ||
सीतल अमल मधुर जल, जलज बिपुल बहु रङ्ग ।
कूजत कल रव हंस गन, गुञ्जत मजुंल भृङ्ग ॥
sītala amala madhura jala, jalaja bipula bahu raṅga |
kūjata kala rava haṃsa gana, guñjata majuṃla bhṛṅga ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0
