6 verses · 30 of 130
Everywhere people sing Raghupati's praise and teach one another: worship Rama, protector of those who bow to him. Lotus-eyed and dark, he guards his servants as eyelids guard the eyes. He is the sun to the lotus forest of the saints, Garuda to the serpent of Time, the hunter of the deer of greed and delusion, a lion to the elephant of Kama, fire to the forest of demons. Why not worship Raghubir with Janaki, who breaks the fear of the world? He is frost to the mosquitoes of desire, unborn, undying, Tulsidas's generous Lord. So the city sings, and the ocean of mercy is kind to all.
जहँ तहँ नर रघुपति गुन गावहिँ । बैठि परसपर इहइ सिखावहिँ ॥
भजहु प्रनत प्रतिपालक रामहि । सोभा सील रूप गुन धामहि ॥
jaham̐ taham̐ nara raghupati guna gāvahim̐ | baiṭhi parasapara ihai sikhāvahim̐ ||
bhajahu pranata pratipālaka rāmahi | sobhā sīla rūpa guna dhāmahi ||
जलज-बिलोचन स्यामल गातहि । पलक नयन इव सेवक त्रातहि ॥
धृत सर रुचिर चाप तूनीरहि । सन्त कञ्ज बन रवि रनधीरहि ॥
jalaja-bilocana syāmala gātahi | palaka nayana iva sevaka trātahi ||
dhṛta sara rucira cāpa tūnīrahi | santa kañja bana ravi ranadhīrahi ||
काल कराल ब्याल खगराजहि । नमत राम अकाम ममता जहि ॥
लोभ मोह मृग-जूथ किरातहि । मनसिज करि हरि जन सुखदातहि ॥
kāla karāla byāla khagarājahi | namata rāma akāma mamatā jahi ||
lobha moha mṛga-jūtha kirātahi | manasija kari hari jana sukhadātahi ||
संसय सोक निबिड़ तम भानुहि । दनुज गहन घन दहन कृशानुहि ॥
जनक-सुता समेत रघुबीरहि । कस न भजहु भञ्जन भव-भीरहि ॥
saṃsaya soka nibir̤a tama bhānuhi | danuja gahana ghana dahana kṛśānuhi ||
janaka-sutā sameta raghubīrahi | kasa na bhajahu bhañjana bhava-bhīrahi ||
बहु बासना मसक हिम-रासिहि । सदा एकरस अज अबिनासिहि ॥
मुनि रंजन भञ्जन महि भारहि । तुलसिदास के प्रभुहि उदारहि ॥
bahu bāsanā masaka hima-rāsihi | sadā ekarasa aja abināsihi ||
muni raṃjana bhañjana mahi bhārahi | tulasidāsa ke prabhuhi udārahi ||
एहि बिधि नगर नारि नर, करहिं राम गुन गान ।
सानुकूल सब पर रहहिँ, सन्तत कृपानिधान ॥
ehi bidhi nagara nāri nara, karahiṃ rāma guna gāna |
sānukūla saba para rahahim̐, santata kṛpānidhāna ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0
