पुनि कृपाल लियो बोलि निषादा । दीन्हे भूषन बसन प्रसादा ॥
जाहु भवन सम सुमिरन करेहू । मन क्रम बचन धर्म अनुसरेहू ॥
puni kṛpāla liyo boli niṣādā | dīnhe bhūṣana basana prasādā ||
jāhu bhavana sama sumirana karehū | mana krama bacana dharma anusarehū ||
Uttara Kanda
Chapter 20: Guha sent home; Ramarajya begins
5 verses · 20 of 130
What happens in this chapter
Guha sent home; Ramarajya begins
The merciful Lord calls the Nishada chief Guha and gives him ornaments and clothes as prasad. Go home, he says, keep remembering me, and follow dharma in thought, deed and word. You are my friend and Bharata's brother; keep coming to the city. Guha falls at his feet in tears, carries those feet home in his heart, and tells his people of the Lord's nature. With Rama on the throne the three worlds rejoice and all grief is gone. No one bears enmity toward anyone; by Rama's power all discord has vanished. People keep to the dharma of their varna and ashrama on the Vedic path, free of fear, grief and disease.
तुम्ह मम सखा भरत सन भ्राता । सदा रहेहु पुर आवत जाता ॥
बचन सुनत उपजा सुख भारी । परेउ चरन अरि लोचन बारी ॥
tumha mama sakhā bharata sana bhrātā | sadā rahehu pura āvata jātā ||
bacana sunata upajā sukha bhārī | pareu carana ari locana bārī ||
चरन-नलिन उर धरि गृह आवा । प्रभु सुभाउ परिजनन्हि सुनावा ॥
रघुपति चरित देखि पुरबासी । पुनि पुनि कहहिँ धन्य सुख-रासी ॥
carana-nalina ura dhari gṛha āvā | prabhu subhāu parijananhi sunāvā ||
raghupati carita dekhi purabāsī | puni puni kahahim̐ dhanya sukha-rāsī ||
राम राज बैठे त्रेलोका । हरषित भये गये सब सोका ॥
बयरु न कर काहू सन कोई । राम-प्रताप विषमता खोई ॥
rāma rāja baiṭhe trelokā | haraṣita bhaye gaye saba sokā ||
bayaru na kara kāhū sana koī | rāma-pratāpa viṣamatā khoī ||
बरनाश्रम निज निज धरम, बनिरत बेद-पथ लोग ।
चलहिँ सदा पावहिँ सुख, नहिँ भय सोक न रोग ॥
baranāśrama nija nija dharama, banirata beda-patha loga |
calahim̐ sadā pāvahim̐ sukha, nahim̐ bhaya soka na roga ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0