भरत अनुज सौमित्र समेता । पठवन चले भगत कृत चेता ॥
अङ्गद हृदयँ प्रेम नहिँ थोरा । फिरि फिरि चितव राम कीं ओरा ॥
bharata anuja saumitra sametā | paṭhavana cale bhagata kṛta cetā ||
aṅgada hṛdayam̐ prema nahim̐ thorā | phiri phiri citava rāma kīṃ orā ||
Uttara Kanda
Chapter 19: Angada departs; Hanuman stays on
8 verses · 19 of 130
What happens in this chapter
Angada departs; Hanuman stays on
The brothers go to see the monkeys off. Angada keeps turning back to look at Rama, prostrating again and again, wishing to be told to stay. He remembers how Rama looked, spoke and laughed, and grieves; then, seeing the Lord's will, he goes with those feet in his heart. Hanuman begs Sugriva for ten more days of service to Raghupati, and Sugriva tells him, you are a heap of merit, go and serve. Angada asks Hanuman to give the Lord his prostrations and keep reminding him of Angada. Hanuman returns and tells of that love, and the Lord is moved. Kakbhushundi tells Garuda that Rama's heart is harder than a thunderbolt and softer than a flower; who can understand it?
बार बार कर दंड-प्रनामा । मन अस रहन कहहिँ मोहि रामा ॥
राम बिलोकनि बोलनि चलनी । सुमिरि सुमिरि सोचत हँसि मिलनी ॥
bāra bāra kara daṃḍa-pranāmā | mana asa rahana kahahim̐ mohi rāmā ||
rāma bilokani bolani calanī | sumiri sumiri socata ham̐si milanī ||
प्रभु रुख देखि बिनय बहु भाखी । चलेउ हृदयँ पद-पङ्कज राखी ॥
अति आदर सब कपि पहुँचायें । भाइन्ह सहित राम फिरि आये ॥
prabhu rukha dekhi binaya bahu bhākhī | caleu hṛdayam̐ pada-paṅkaja rākhī ||
ati ādara saba kapi pahum̐cāyeṃ | bhāinha sahita rāma phiri āye ||
सब सुग्रीव चरन गहि नाना । भाँति बिनय कीन्ही हनुमाना ॥
दिन दस करि रघुपति पद सेवा । पुनि तव चरन देखिहउँ देवा ॥
saba sugrīva carana gahi nānā | bhām̐ti binaya kīnhī hanumānā ||
dina dasa kari raghupati pada sevā | puni tava carana dekhihaum̐ devā ||
पुन्य-पुञ्ज तुम्ह पवन-कुमारा । सेवहु जाइ कृपा-आगारा ॥
अस कहि कपि सब चले तुरन्ता । अङ्गद कहइ सुनहु हनुमन्ता ॥
punya-puñja tumha pavana-kumārā | sevahu jāi kṛpā-āgārā ||
asa kahi kapi saba cale turantā | aṅgada kahai sunahu hanumantā ||
दो कहेहु दंडवत प्रभु सन, तुम्हहिँ कहउँ कर जोरि ।
बार बार रघुनायकहि, सुरति कराएहु मोरि ॥
do kahehu daṃḍavata prabhu sana, tumhahim̐ kahaum̐ kara jori |
bāra bāra raghunāyakahi, surati karāehu mori ||
अस कहि चलेउ बालिसुत, फिरि आयउ हनुमन्त ।
तासु प्रीति प्रभु सन कही, मगन भये भगवन्त ॥
asa kahi caleu bālisuta, phiri āyau hanumanta |
tāsu prīti prabhu sana kahī, magana bhaye bhagavanta ||
कुलिसहु चाहि कठोर अति, कोमल कुसुमहु चाहि ।
चित्त खगेस राम कर, समुझि परइ कहु काहि ॥
kulisahu cāhi kaṭhora ati, komala kusumahu cāhi |
citta khagesa rāma kara, samujhi parai kahu kāhi ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0