देखत हनूमान अति हरषेउ । पुलक गात लोचन जल बरषेउ ॥
मन महँ बहुत भाँति सुख मानी । बोलेउ श्रवन सुधा सम बानी ॥
dekhata hanūmāna ati haraṣeu | pulaka gāta locana jala baraṣeu ||
mana maham̐ bahuta bhām̐ti sukha mānī | boleu śravana sudhā sama bānī ||
Uttara Kanda
Chapter 2: Hanuman brings Bharata the news
11 verses · 2 of 130
What happens in this chapter
Hanuman brings Bharata the news
Hanuman thrills at the sight of Bharata and speaks words like nectar: the one you grieve for day and night has won the war and is coming with Sita and his brother, while the devas sing his fame. Bharata forgets every sorrow, like a thirsty man given amrit. Who are you? I am Hanuman, son of the Wind, Raghupati's servant. Bharata embraces him. Nothing in the world equals such news; he can never repay it. Then the question that matters most: does the Lord ever remember me as his servant? Hanuman falls at his feet. You are dear to Rama as his life, he says, and hurries back.
जासु बिरहँ सोचहु दिन राती । रटहु निरन्तर गुन गन पाँती ॥
रघुकुल तिलक सुजन सुख दाता । आयउ कुसल देव मुनि त्राता ॥
jāsu biraham̐ socahu dina rātī | raṭahu nirantara guna gana pām̐tī ||
raghukula tilaka sujana sukha dātā | āyau kusala deva muni trātā ||
रिपु रन जीति सुजस सुर गावत । सीता सहित अनुज प्रभु आवत ॥
सुनत बचन बिसरे सब दूखा । तृषावन्त जिमि पाइ पियूखा ॥
ripu rana jīti sujasa sura gāvata | sītā sahita anuja prabhu āvata ||
sunata bacana bisare saba dūkhā | tṛṣāvanta jimi pāi piyūkhā ||
को तुम्ह तात कहाँ से आये । मोहि परम प्रिय बचन सुनाये ॥
मारुत सुत मैं कपि हनुमाना । नाम मोर सुनु कृपानिधाना ॥
ko tumha tāta kahām̐ se āye | mohi parama priya bacana sunāye ||
māruta suta maiṃ kapi hanumānā | nāma mora sunu kṛpānidhānā ||
दीनबन्धु रघुपति कर किङ्कर । सुनत भरत भेंटेउ उठि सादर ॥
मिलत प्रेम नहिँ हृदयँ माता । नयन स्त्रवत जल पुलकित गाता ॥
dīnabandhu raghupati kara kiṅkara | sunata bharata bheṃṭeu uṭhi sādara ||
milata prema nahim̐ hṛdayam̐ mātā | nayana stravata jala pulakita gātā ||
कपि तव दरस सकल दुख बीते । मिले आजु मोहि राम पिरीते ॥
बार बार बूझी कुसलाता । तो कह देउँ काह सुनु भ्राता ॥
kapi tava darasa sakala dukha bīte | mile āju mohi rāma pirīte ||
bāra bāra būjhī kusalātā | to kaha deum̐ kāha sunu bhrātā ||
एहि सन्देस सरिस जग माहीं । करि बिचार देखेउँ कछु नाहीं ॥
नाहि न तात उरिन में तोही । अब प्रभु चरित सुनावहु मोही ॥
ehi sandesa sarisa jaga māhīṃ | kari bicāra dekheum̐ kachu nāhīṃ ||
nāhi na tāta urina meṃ tohī | aba prabhu carita sunāvahu mohī ||
तब हनुमन्त नाइ पद माथा । कहे सकल रघुपति गुन गाथा ॥
कहु कपि कबहुँ कृपाल गोसाईं । सुमिरहिं मोहि दास की नाँई ॥
taba hanumanta nāi pada māthā | kahe sakala raghupati guna gāthā ||
kahu kapi kabahum̐ kṛpāla gosāīṃ | sumirahiṃ mohi dāsa kī nām̐ī ||
निज दास ज्यों रघुबंसभूषन, कबहुँ मम सुमिरन कर्यो ।
सुनि भरत बचन बिनीत अति कपि, पुलकित तन चरनन्हि पर्यो ॥
रघुबीर निज मुख जासु गुन गन कहत अग जग नाथ जो ।
काहे न होइ बिनीत परम पुनीत सदगुन-सिन्धु सो ॥
nija dāsa jyoṃ raghubaṃsabhūṣana, kabahum̐ mama sumirana karyo |
suni bharata bacana binīta ati kapi, pulakita tana carananhi paryo ||
raghubīra nija mukha jāsu guna gana kahata aga jaga nātha jo |
kāhe na hoi binīta parama punīta sadaguna-sindhu so ||
राम प्रान प्रिय नाथ तुम्ह, सत्य बचन मम तात ।
पुनि पुनि मिलत भरत सुनि, हरष न हृदयँ समात ॥
rāma prāna priya nātha tumha, satya bacana mama tāta |
puni puni milata bharata suni, haraṣa na hṛdayam̐ samāta ||
भरत चरन सिर नाइ, तुरित गयउ कपि राम पहिँ ।
कही कुसल सब जाइ, हरषि चलेउ प्रभु जान चढ़ि ॥
bharata carana sira nāi, turita gayau kapi rāma pahim̐ |
kahī kusala saba jāi, haraṣi caleu prabhu jāna car̤hi ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0