हरषि भरत कोसलपुर आये । समाचार सब गुरुहि सुनाये ॥
पुनि मन्दिर महँ बात जनाई । आवत नगर कुसल रघुराई ॥
haraṣi bharata kosalapura āye | samācāra saba guruhi sunāye ||
puni mandira maham̐ bāta janāī | āvata nagara kusala raghurāī ||
Uttara Kanda
Chapter 3: Ayodhya runs out to meet him
8 verses · 3 of 130
What happens in this chapter
Ayodhya runs out to meet him
Bharata tells the guru, then the palace. The mothers run out and the citizens rush, men and women alike. Women fill golden plates with curd, durva, gorochana, fruit, flowers and fresh tulsi leaves, and go singing. People run just as they are, not waiting for the children or the old, asking each other, have you seen the merciful Raghuraja? The city becomes a mine of beauty; a cool, fragrant breeze blows and the Sarayu runs clear. Bharata sets out with the guru, family and Brahmins. Many climb to the rooftops to watch the sky for the vimana, and the city swells like the sea at the full moon.
सुनत सकल जननीं उठि धाईँ । कहि प्रभु कुसल भरत समुझाई ॥
समाचार, पुरबासिन्ह पाये । नर अरु नारि हरषि सब धाये ॥
sunata sakala jananīṃ uṭhi dhāīm̐ | kahi prabhu kusala bharata samujhāī ||
samācāra, purabāsinha pāye | nara aru nāri haraṣi saba dhāye ||
दधि दुर्वा रोचन फल फूला । नव तुलसी दल मङ्गल-मूला ॥
भरि भरि हेम थार भामिनी । गावत चली सिन्धु-सिंधुरगामिनी ॥
dadhi durvā rocana phala phūlā | nava tulasī dala maṅgala-mūlā ||
bhari bhari hema thāra bhāminī | gāvata calī sindhu-siṃdhuragāminī ||
जो जैसेहिं तैसेहिं उठि धावहिं । बाल बृद्ध कहँ सङ्ग न लावहिँ ॥
एक एकन्ह कहँ बूझहिँ भाई । तुम्ह देखे दयाल रघुराई ॥
jo jaisehiṃ taisehiṃ uṭhi dhāvahiṃ | bāla bṛddha kaham̐ saṅga na lāvahim̐ ||
eka ekanha kaham̐ būjhahim̐ bhāī | tumha dekhe dayāla raghurāī ||
अवधपुरी प्रभु, आवत जानी । भई सकल सोभा कइ खानी ॥
बहइ सुहावन त्रिबिधि समीरा । भइ सरजू अति निर्मल नीरा ॥
avadhapurī prabhu, āvata jānī | bhaī sakala sobhā kai khānī ||
bahai suhāvana tribidhi samīrā | bhai sarajū ati nirmala nīrā ||
हरषित गुरु परिजन अनुज, भूसुर-बृन्द समेत ।
चले भरत मन प्रेम अति सन्मुख कृपानिकेत ॥
haraṣita guru parijana anuja, bhūsura-bṛnda sameta |
cale bharata mana prema ati sanmukha kṛpāniketa ||
बहुतक चढ़ी अटारिन्ह, निरखहिँ गगन बिमान ।
देखि मधुर सुर हरषित, करहिं सुमङ्गल गान ॥
bahutaka car̤hī aṭārinha, nirakhahim̐ gagana bimāna |
dekhi madhura sura haraṣita, karahiṃ sumaṅgala gāna ||
राका ससि रघुपति पुर, सिन्धु देखि हरषान ।
बढ़यो कोलाहल करत जनु, नारि तरङ्ग समान ॥
rākā sasi raghupati pura, sindhu dekhi haraṣāna |
bar̤hayo kolāhala karata janu, nāri taraṅga samāna ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0