प्रभु बिलोकि मुनि मन अनुरागा । तुरत दिव्य सिंहासन मागा ॥
रबि सम तेज सो बरनि न जाई । बैठे राम द्विजन्ह सिर नाई ॥
prabhu biloki muni mana anurāgā | turata divya siṃhāsana māgā ||
rabi sama teja so barani na jāī | baiṭhe rāma dvijanha sira nāī ||
Uttara Kanda
Chapter 12: The coronation of Shri Rama
9 verses · 12 of 130
What happens in this chapter
The coronation of Shri Rama
Vasishtha calls at once for a divine throne bright as the sun, and Rama bows to the Brahmins and sits with Janaki. The Brahmins chant Vedic mantras; devas and munis cry jaya from the sky. Vasishtha applies the tilak first, then gives the other Brahmins leave. The mothers wave arati again and again. Gifts are given until no one is left to beg. Drums sound, gandharvas sing, apsaras dance. Bharata and the brothers, Vibhishana, Angada and Hanuman stand holding the umbrella, chamaras, fan, bow, sword, shield and shakti. Rama shines in yellow silk, dark as a new cloud. Kakbhushundi tells Garuda that only Mahesh knows that bliss. The devas praise and leave, and the Vedas come disguised as bards; the all-knowing Lord honours them, and no one sees the secret.
जनकसुता समेत रघुराई । पेखि प्रहरषे मुनि समुदाई ॥
बेद मन्त्र तब द्विजन्ह उचारे । नभ सुर मुनि जय जयति पुकारे ॥
janakasutā sameta raghurāī | pekhi praharaṣe muni samudāī ||
beda mantra taba dvijanha ucāre | nabha sura muni jaya jayati pukāre ||
प्रथम तिलक बसिष्ठ मुनि कीन्हा । पुनि सब बिप्रन्ह आयसु दीन्हा ॥
सुत बिलोकि हरषीँ महतारी । बार बार आरती उतारी ॥
prathama tilaka basiṣṭha muni kīnhā | puni saba bipranha āyasu dīnhā ||
suta biloki haraṣīm̐ mahatārī | bāra bāra āratī utārī ||
बिप्रन्ह दान विविध विधि दीन्हें । जाचक सकल अजाचक कीन्हे ॥
सिंहासन पर त्रिभुवन साँई । देखि सुरन्ह दुंदुभीं बजाईं ॥
bipranha dāna vividha vidhi dīnheṃ | jācaka sakala ajācaka kīnhe ||
siṃhāsana para tribhuvana sām̐ī | dekhi suranha duṃdubhīṃ bajāīṃ ||
नभ दुंदुभीं बाजहिं बिपुल, गन्धर्व किन्नर गावहीं ।
नाचहिँ अपछरा-वृन्द परमानन्द सुर मुनि पावहीं ॥
भरतादि अनुज विभीषनाङ्गद, हनुमदादि समेत ते ।
गहें छत्र चामर ब्यजन धनु असि, चर्म सक्ति बिराजते ॥
nabha duṃdubhīṃ bājahiṃ bipula, gandharva kinnara gāvahīṃ |
nācahim̐ apacharā-vṛnda paramānanda sura muni pāvahīṃ ||
bharatādi anuja vibhīṣanāṅgada, hanumadādi sameta te |
gaheṃ chatra cāmara byajana dhanu asi, carma sakti birājate ||
श्री सहित दिनकर-बंस-भूषन, काम बहु छबि सोहई ।
नव अम्बुधर बर गात अम्बर, पीत मुनि मन मोहई ॥
मुकुटाङ्गदादि बिचित्र भूषन, अङ्ग अंगन्हि प्रति सजे ।
अंभोज नयन बिसाल उर भुज, धन्य नर निरखंति जे ॥
śrī sahita dinakara-baṃsa-bhūṣana, kāma bahu chabi sohaī |
nava ambudhara bara gāta ambara, pīta muni mana mohaī ||
mukuṭāṅgadādi bicitra bhūṣana, aṅga aṃganhi prati saje |
aṃbhoja nayana bisāla ura bhuja, dhanya nara nirakhaṃti je ||
वह सोभा समाज सुख, कहत न बनइ खगेस ।
बरनहिं सादर सेष स्रुति, सो रस जान महेस ॥
vaha sobhā samāja sukha, kahata na banai khagesa |
baranahiṃ sādara seṣa sruti, so rasa jāna mahesa ||
भिन्न भिन्न अस्तुति करि, गये सुर निज निज धाम ।
बन्दी बेष बेद तब, आये जहँ श्रीराम ॥
bhinna bhinna astuti kari, gaye sura nija nija dhāma |
bandī beṣa beda taba, āye jaham̐ śrīrāma ||
प्रभु सर्बज्ञ कीन्ह अति आदर कृपानिधान ।
लखेउ न काहूँ मरम कछु, लगे करन गुन गान ॥
prabhu sarbajña kīnha ati ādara kṛpānidhāna |
lakheu na kāhūm̐ marama kachu, lage karana guna gāna ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0