प्रभु बिलोकि मुनि मन अनुरागा । तुरत दिव्य सिंहासन मागा ॥
रबि सम तेज सो बरनि न जाई । बैठे राम द्विजन्ह सिर नाई ॥
prabhu biloki muni mana anurāgā | turata divya siṃhāsana māgā ||
rabi sama teja so barani na jāī | baiṭhe rāma dvijanha sira nāī ||
उत्तरकाण्ड
अध्याय 12: श्रीराम का राज्याभिषेक
9 श्लोक · 12 में से 130
इस अध्याय में क्या होता है
श्रीराम का राज्याभिषेक
वसिष्ठ तुरन्त सूर्य जैसा तेजस्वी दिव्य सिंहासन मँगाते हैं, और श्रीराम ब्राह्मणों को प्रणाम कर जानकी सहित विराजते हैं। ब्राह्मण वेदमन्त्र पढ़ते हैं, आकाश से देवता और मुनि जयजयकार करते हैं। पहले वसिष्ठ तिलक करते हैं, फिर अन्य ब्राह्मणों को आज्ञा देते हैं। माताएँ बार-बार आरती उतारती हैं। इतना दान होता है कि कोई याचक नहीं रहता। नगाड़े बजते हैं, गन्धर्व गाते हैं, अप्सराएँ नाचती हैं। भरत आदि भाई, विभीषण, अंगद और हनुमान छत्र, चँवर, पंखा, धनुष, तलवार, ढाल और शक्ति लिए खड़े हैं। पीताम्बर पहने, नए मेघ जैसे श्याम प्रभु शोभते हैं। काकभुशुण्डि गरुड़ से कहते हैं, वह आनन्द महेश ही जानते हैं। देवता स्तुति कर लौटते हैं, और वेद बन्दीजन के वेश में आते हैं; सर्वज्ञ प्रभु उनका आदर करते हैं, पर यह मर्म कोई नहीं जानता।
जनकसुता समेत रघुराई । पेखि प्रहरषे मुनि समुदाई ॥
बेद मन्त्र तब द्विजन्ह उचारे । नभ सुर मुनि जय जयति पुकारे ॥
janakasutā sameta raghurāī | pekhi praharaṣe muni samudāī ||
beda mantra taba dvijanha ucāre | nabha sura muni jaya jayati pukāre ||
प्रथम तिलक बसिष्ठ मुनि कीन्हा । पुनि सब बिप्रन्ह आयसु दीन्हा ॥
सुत बिलोकि हरषीँ महतारी । बार बार आरती उतारी ॥
prathama tilaka basiṣṭha muni kīnhā | puni saba bipranha āyasu dīnhā ||
suta biloki haraṣīm̐ mahatārī | bāra bāra āratī utārī ||
बिप्रन्ह दान विविध विधि दीन्हें । जाचक सकल अजाचक कीन्हे ॥
सिंहासन पर त्रिभुवन साँई । देखि सुरन्ह दुंदुभीं बजाईं ॥
bipranha dāna vividha vidhi dīnheṃ | jācaka sakala ajācaka kīnhe ||
siṃhāsana para tribhuvana sām̐ī | dekhi suranha duṃdubhīṃ bajāīṃ ||
नभ दुंदुभीं बाजहिं बिपुल, गन्धर्व किन्नर गावहीं ।
नाचहिँ अपछरा-वृन्द परमानन्द सुर मुनि पावहीं ॥
भरतादि अनुज विभीषनाङ्गद, हनुमदादि समेत ते ।
गहें छत्र चामर ब्यजन धनु असि, चर्म सक्ति बिराजते ॥
nabha duṃdubhīṃ bājahiṃ bipula, gandharva kinnara gāvahīṃ |
nācahim̐ apacharā-vṛnda paramānanda sura muni pāvahīṃ ||
bharatādi anuja vibhīṣanāṅgada, hanumadādi sameta te |
gaheṃ chatra cāmara byajana dhanu asi, carma sakti birājate ||
श्री सहित दिनकर-बंस-भूषन, काम बहु छबि सोहई ।
नव अम्बुधर बर गात अम्बर, पीत मुनि मन मोहई ॥
मुकुटाङ्गदादि बिचित्र भूषन, अङ्ग अंगन्हि प्रति सजे ।
अंभोज नयन बिसाल उर भुज, धन्य नर निरखंति जे ॥
śrī sahita dinakara-baṃsa-bhūṣana, kāma bahu chabi sohaī |
nava ambudhara bara gāta ambara, pīta muni mana mohaī ||
mukuṭāṅgadādi bicitra bhūṣana, aṅga aṃganhi prati saje |
aṃbhoja nayana bisāla ura bhuja, dhanya nara nirakhaṃti je ||
वह सोभा समाज सुख, कहत न बनइ खगेस ।
बरनहिं सादर सेष स्रुति, सो रस जान महेस ॥
vaha sobhā samāja sukha, kahata na banai khagesa |
baranahiṃ sādara seṣa sruti, so rasa jāna mahesa ||
भिन्न भिन्न अस्तुति करि, गये सुर निज निज धाम ।
बन्दी बेष बेद तब, आये जहँ श्रीराम ॥
bhinna bhinna astuti kari, gaye sura nija nija dhāma |
bandī beṣa beda taba, āye jaham̐ śrīrāma ||
प्रभु सर्बज्ञ कीन्ह अति आदर कृपानिधान ।
लखेउ न काहूँ मरम कछु, लगे करन गुन गान ॥
prabhu sarbajña kīnha ati ādara kṛpānidhāna |
lakheu na kāhūm̐ marama kachu, lage karana guna gāna ||
पाठ का स्रोत: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0