सुनहु तात यह अकथ कहानी । समुझत बनइ न जाइ बखानी ॥
ईस्वर अंस जीव अबिनासी । चेतन अमल सहज सुख रासी ॥
sunahu tāta yaha akatha kahānī | samujhata banai na jāi bakhānī ||
īsvara aṃsa jīva abināsī | cetana amala sahaja sukha rāsī ||
Uttara Kanda
Chapter 117: The lamp of knowledge, lit with great labour
12 verses · 117 of 130
What happens in this chapter
The lamp of knowledge, lit with great labour
Kakbhushundi tells Garuda a tale hard to tell. The jiva is a part of Ishvara, pure and full of joy, but under maya a knot is tied between the conscious and the inert. The knot is false yet hard to undo, and tightens with effort. If by Hari's grace the cow of sattvic faith dwells in the heart, grazing on japa and vows, with bhava as her calf, a pure mind milks her into the pot of trust. That milk of dharma, boiled on desireless fire, cooled by contentment, set with fortitude and churned by discrimination, yields the butter of detachment, melted in yoga's fire into the ghee of knowledge. With it the intellect lights the lamp of vijnana, whose flame burns pride and its fellow moths.
सेो माया बस भयउ गोसाँई । बँध्यो कीर मर्कट की नाई ॥
जड़ चेतनहिँ ग्रन्थि परि गई । जदपि मृषा छूटत कठिनई ॥
seo māyā basa bhayau gosām̐ī | bam̐dhyo kīra markaṭa kī nāī ||
jar̤a cetanahim̐ granthi pari gaī | jadapi mṛṣā chūṭata kaṭhinaī ||
तब ते जीव भयउ संसारी । छूट न ग्रन्थि न होइ सुखारी ॥
श्रुति पुरान बहु कहेउ उपाई । छूट न अधिक अधिक अरुझाई ॥
taba te jīva bhayau saṃsārī | chūṭa na granthi na hoi sukhārī ||
śruti purāna bahu kaheu upāī | chūṭa na adhika adhika arujhāī ||
जीव हृदयँ तम मोह बिसेखी । ग्रन्थिं छूट किमि परइ न देखी ॥
अस सञ्जोग ईस जब करई । तबहुँ कदाचित सो निरुअरई ॥
jīva hṛdayam̐ tama moha bisekhī | granthiṃ chūṭa kimi parai na dekhī ||
asa sañjoga īsa jaba karaī | tabahum̐ kadācita so niruaraī ||
सात्त्विक श्रद्धा धेनु सुहाई । जौँ हरि कृपाँ हृदयँ बस आई ॥
जप तप ब्रत जम नियम अपारा । जे श्रुति कह सुभ-धरम अचारा ॥
sāttvika śraddhā dhenu suhāī | jaum̐ hari kṛpām̐ hṛdayam̐ basa āī ||
japa tapa brata jama niyama apārā | je śruti kaha subha-dharama acārā ||
तेइ तृन हरित चरै जब गाई । भाव बच्छ-सिसु पाई पेन्हाई ॥
नोई निवृत्ति पात्र बिस्वासा । निर्मल मन अहीर निज दासा ॥
tei tṛna harita carai jaba gāī | bhāva baccha-sisu pāī penhāī ||
noī nivṛtti pātra bisvāsā | nirmala mana ahīra nija dāsā ||
परम धर्ममय पथ दुहि भाई । अवटै अनल अकाम बनाई ॥
तोष मरुत तब छमाँ जुड़ावै । धृति सम जावन देइ जमावै ॥
parama dharmamaya patha duhi bhāī | avaṭai anala akāma banāī ||
toṣa maruta taba chamām̐ jur̤āvai | dhṛti sama jāvana dei jamāvai ||
मुदिताँ मथैं बिचार मथानी । दम अधार रजु सत्य सुबानी ॥
तब मथि काढ़ि लेइ नवनीता । बिमल बिराग सुभग सुपुनीता ॥
muditām̐ mathaiṃ bicāra mathānī | dama adhāra raju satya subānī ||
taba mathi kār̤hi lei navanītā | bimala birāga subhaga supunītā ||
जोग अगिनि करि प्रगट तब, करम सुभासुभ लाइ ।
बुद्धि सिरावैं ज्ञान घृत, ममता मल जरि जाइ ॥
joga agini kari pragaṭa taba, karama subhāsubha lāi |
buddhi sirāvaiṃ jñāna ghṛta, mamatā mala jari jāi ||
तब-बिग्यानरूपिनि, बुद्धि बिसद घृत पाइ ।
चित्त दिआ भरि धरै दृढ़, समता दिअटि बनाइ ॥
taba-bigyānarūpini, buddhi bisada ghṛta pāi |
citta diā bhari dharai dṛr̤ha, samatā diaṭi banāi ||
तीनि अवस्था तीनि गुन, तेहि कपास तेँ काढ़ि ।
तूल तुरीय सँवारि पुनि, बाती करइ सुगाढ़ि ॥
tīni avasthā tīni guna, tehi kapāsa tem̐ kār̤hi |
tūla turīya sam̐vāri puni, bātī karai sugār̤hi ||
एहि बिधि लेसै दीप, तेजरासि बिज्ञान-मय ।
जातहिं जासु समीप, जरहिँ मदादिक सलभ सब ॥
ehi bidhi lesai dīpa, tejarāsi bijñāna-maya |
jātahiṃ jāsu samīpa, jarahim̐ madādika salabha saba ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0