इहाँ न पच्छपात कछु राखउँ । बेद पुरान सन्त मत भाषउँ ॥
मोह न नारि नारि कें रूपा । पन्नगारि यह रीति अनूपा ॥
ihām̐ na pacchapāta kachu rākhaum̐ | beda purāna santa mata bhāṣaum̐ ||
moha na nāri nāri keṃ rūpā | pannagāri yaha rīti anūpā ||
Uttara Kanda
Chapter 116: Why maya fears bhakti
6 verses · 116 of 130
What happens in this chapter
Why maya fears bhakti
Kakbhushundi assures Garuda that he speaks without partiality, giving the view of Vedas, Puranas and saints. A woman is not enchanted by a woman's form, he explains. Maya and bhakti are both of the feminine class, and Raghubir loves bhakti, while maya is only a dancer. Because Rama favours bhakti, maya fears her greatly. In whatever heart pure, unconditioned Rama-bhakti lives without hindrance, maya shrinks back on seeing her and can use none of her power. Knowing this, even realised munis beg for bhakti, the mine of every joy. No one quickly grasps this secret of Raghunath; whoever knows it by His grace is never deluded, even in dreams. Then he offers to tell Garuda a further difference between jnana and bhakti, hearing which love for Rama's feet becomes unbroken.
माया भगति सुनहु तुम्ह दोऊ । नारि-बर्ग जानइ सब कोऊ ॥
पुनि रघुबीरहि भगति पियारी । माया खलु नर्तकी बिचारी ॥
māyā bhagati sunahu tumha doū | nāri-barga jānai saba koū ||
puni raghubīrahi bhagati piyārī | māyā khalu nartakī bicārī ||
भगतिहि सानुकूल रघुराया । ताते तेहि डरपति अति माया ॥
राम भगति निरुपम निरुपाधी । बसइ जासु उर सदा अबाधी ॥
bhagatihi sānukūla raghurāyā | tāte tehi ḍarapati ati māyā ||
rāma bhagati nirupama nirupādhī | basai jāsu ura sadā abādhī ||
तेहि बिलोकि माया सकुचाई । करि न सकइ कछु निज प्रभुताई ॥
अस बिचारि जे मुनि विज्ञानी । जाचहीं भगति सकल सुख खानी ॥
tehi biloki māyā sakucāī | kari na sakai kachu nija prabhutāī ||
asa bicāri je muni vijñānī | jācahīṃ bhagati sakala sukha khānī ||
यह रहस्य रघुनाथ कर, बेगि न जानइ कोइ ।
जो जानइ रघुपति कृपाँ, सपनेहुँ मोह न होइ ॥
yaha rahasya raghunātha kara, begi na jānai koi |
jo jānai raghupati kṛpām̐, sapanehum̐ moha na hoi ||
औरउ ज्ञान भगति कर, भेद सुनहु सुप्रबीन ।
जो सुनि होइ राम-पद प्रीति सदा अबिछीन ॥
aurau jñāna bhagati kara, bheda sunahu suprabīna |
jo suni hoi rāma-pada prīti sadā abichīna ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0