10 verses · 115 of 130
Kakbhushundi tells Garuda that those who leave such bhakti and toil for knowledge alone are like fools who abandon the wish-giving cow at home and search for milkweed sap. Shiva tells Bhavani that Garuda, delighted, says his doubt and grief are gone, then asks: saints and Vedas call nothing as rare as jnana, yet you did not honour Lomasha's teaching as you honoured bhakti; what is the difference? Bhushundi answers that both remove the pain of becoming, though the munis note a distinction. Jnana, detachment, yoga and realisation are masculine, he says, strong, while the feminine is by nature weak. A steady, detached man can renounce woman, but even a wise muni is shaken by a fair face, for woman is maya made visible.
जे असि भगति जानि परिहरहीं । केवल ज्ञान हेतु श्रम करहीँ ॥
ते जड़ कामधेनु गृहँ त्यागी । खोजत आकु फिरहिँ पय लागी ॥
je asi bhagati jāni pariharahīṃ | kevala jñāna hetu śrama karahīm̐ ||
te jar̤a kāmadhenu gṛham̐ tyāgī | khojata āku phirahim̐ paya lāgī ||
सुनु खगेस हरि भगति बिहाई । जे सुख चाहहिँ आन उपाई ॥
ते सठ महासिन्धु बिनु तरनी । पैरि पार चाहहिँ जड़ करनी ॥
sunu khagesa hari bhagati bihāī | je sukha cāhahim̐ āna upāī ||
te saṭha mahāsindhu binu taranī | pairi pāra cāhahim̐ jar̤a karanī ||
सुनि भुसुंडि के बचन भवानी । बोलेउ गरुड़ हरषि मृदु बानी ॥
तव प्रसाद प्रभु मम उर माहीँ । संसय सोक मोह भ्रम नाहीं ॥
suni bhusuṃḍi ke bacana bhavānī | boleu garur̤a haraṣi mṛdu bānī ||
tava prasāda prabhu mama ura māhīm̐ | saṃsaya soka moha bhrama nāhīṃ ||
सुनेउँ पुनीत राम गुन ग्रामा । तुम्हरी कृपाँ लहेउँ बिश्रामा ॥
एक बात प्रभु पूछउँ तोही । कहहु बुझाइ कृपानिधि मोही ॥
suneum̐ punīta rāma guna grāmā | tumharī kṛpām̐ laheum̐ biśrāmā ||
eka bāta prabhu pūchaum̐ tohī | kahahu bujhāi kṛpānidhi mohī ||
कहहिँ सन्त मुनि बेद पुराना । नहिँ कछु दुर्लभ ज्ञान समाना ॥
सोइ मुनि तुम्ह सन कहेउ गोसाँई । नहिं आदरेहु भगति की नाईं ॥
kahahim̐ santa muni beda purānā | nahim̐ kachu durlabha jñāna samānā ||
soi muni tumha sana kaheu gosām̐ī | nahiṃ ādarehu bhagati kī nāīṃ ||
ज्ञानहिं भगतिहि अन्तर केता । सकल कहहु प्रभु कृपा निकेता ॥
सुनि उरगारि बचन सुख माना । सादर बोलेउ काग सुजाना ॥
jñānahiṃ bhagatihi antara ketā | sakala kahahu prabhu kṛpā niketā ||
suni uragāri bacana sukha mānā | sādara boleu kāga sujānā ||
भगतिहि ज्ञानहि नहिँ कछु भेदा । उभय हरहिं भव सम्भव खेदा ॥
नाथ मुनीस कहहिँ कछु अन्तर । सावधान सोउ सुनु बिहंगबर ॥
bhagatihi jñānahi nahim̐ kachu bhedā | ubhaya harahiṃ bhava sambhava khedā ||
nātha munīsa kahahim̐ kachu antara | sāvadhāna sou sunu bihaṃgabara ||
ज्ञान विराग जोग विज्ञाना । ये सब पुरुष सुनहु हरिजानां ॥
पुरुष प्रताप प्रबल सम भाँती । अबला अबल सहज जड़ जाती ॥
jñāna virāga joga vijñānā | ye saba puruṣa sunahu harijānāṃ ||
puruṣa pratāpa prabala sama bhām̐tī | abalā abala sahaja jar̤a jātī ||
पुरुष त्यागि सक नारिहि, जो बिरक्त मति धीर ।
न तु कामी विषयाबस, बिमुख जो पद रघुबीर ॥
puruṣa tyāgi saka nārihi, jo birakta mati dhīra |
na tu kāmī viṣayābasa, bimukha jo pada raghubīra ||
सोउ मुनि ग्याननिधान मृगनयनी बिधु मुख निरखि ।
बिकल होहिँ हरिजान, नारि बिस्व माया प्रगट ॥
sou muni gyānanidhāna mṛganayanī bidhu mukha nirakhi |
bikala hohim̐ harijāna, nāri bisva māyā pragaṭa ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0
