काल कर्म गुन दोष सुभाऊ । कछु दुख तुम्हहिँ न ब्यापिहि काऊ ॥
राम रहस्य ललित बिधि नाना । गुप्त प्रगट इतिहास पुराना ॥
kāla karma guna doṣa subhāū | kachu dukha tumhahim̐ na byāpihi kāū ||
rāma rahasya lalita bidhi nānā | gupta pragaṭa itihāsa purānā ||
Uttara Kanda
Chapter 114: The blessing sealed; Bhushundi's ashram for ages
10 verses · 114 of 130
What happens in this chapter
The blessing sealed; Bhushundi's ashram for ages
Kakbhushundi finishes his story for Garuda. Lomasha further blessed him that time and karma would never trouble him and that he would know Rama's secrets without effort. A deep voice from the sky sealed it: so be it, he is my devotee in deed, mind and word. Every doubt gone, Bhushundi came to this ashram, where twenty-seven kalpas have passed with Raghupati's virtues sung daily to listening birds. Whenever Rama takes birth in Ayodhya, he goes there, delights in the child's play and returns with that form in his heart. So he loves this crow body. He clung to bhakti, a great rishi cursed him, and he won a boon munis rarely gain.
बिनु स्त्रम तुम्ह जानब सब सोऊ । नित नव नेह राम-पद होऊ ॥
जो इच्छा करिहहु मन माहीं । हरि प्रसाद कछु दुर्लभ नाहीं ॥
binu strama tumha jānaba saba soū | nita nava neha rāma-pada hoū ||
jo icchā karihahu mana māhīṃ | hari prasāda kachu durlabha nāhīṃ ||
सुनि मुनि आसिष सुनु मति धीरा । ब्रह्मगिरा भइ गगन गंभीरा ॥
एवमस्तु तव बच मुनि ग्यानी । यह मम भगत करम मन बानी ॥
suni muni āsiṣa sunu mati dhīrā | brahmagirā bhai gagana gaṃbhīrā ||
evamastu tava baca muni gyānī | yaha mama bhagata karama mana bānī ||
सुनि नभगिरा हरष मोहि भयऊ । प्रेम मगन सब संसय गयऊ ॥
करि बिनती मुनि आयसु पाई । पद-सरोज पुनि पुनि सिर नाई ॥
suni nabhagirā haraṣa mohi bhayaū | prema magana saba saṃsaya gayaū ||
kari binatī muni āyasu pāī | pada-saroja puni puni sira nāī ||
हरष सहित एहिं आश्रम आयउँ । प्रभु प्रसाद दुर्लभ घर पायउँ ॥
इहाँ बसत मोहि सुनु खग ईसा । बीते कलप सात अरु बीसा ॥
haraṣa sahita ehiṃ āśrama āyaum̐ | prabhu prasāda durlabha ghara pāyaum̐ ||
ihām̐ basata mohi sunu khaga īsā | bīte kalapa sāta aru bīsā ||
करउँ सदा रघुपति गुन गाना । सादर सुनहिँ बिहङ्ग सुजाना ॥
जब जब अवधपुरीं रघुबीरा । धरहिँ भगत-हित मनुज सरीरा ॥
karaum̐ sadā raghupati guna gānā | sādara sunahim̐ bihaṅga sujānā ||
jaba jaba avadhapurīṃ raghubīrā | dharahim̐ bhagata-hita manuja sarīrā ||
सब तब जाइ राम पुर रहऊँ । सिसुलीला बिलोकि सुख लहऊँ ॥
पुनि उर राखि राम सिसु रूपा । निज आश्रम आवउँ खगभूपा ॥
saba taba jāi rāma pura rahaūm̐ | sisulīlā biloki sukha lahaūm̐ ||
puni ura rākhi rāma sisu rūpā | nija āśrama āvaum̐ khagabhūpā ||
कथा सकल मैं तुम्हहिँ सुनाई । काग-देह जेहिं कारन पाई ॥
कहिउँ तात सब प्रस्न तुम्हारी । राम भगति महिमा अति भारी ॥
kathā sakala maiṃ tumhahim̐ sunāī | kāga-deha jehiṃ kārana pāī ||
kahium̐ tāta saba prasna tumhārī | rāma bhagati mahimā ati bhārī ||
ताते यह तन मोहि प्रिय, भयउ राम-पद नेह ।
निज प्रभु दरसन पायउँ, गयउ सकल सन्देह ॥
tāte yaha tana mohi priya, bhayau rāma-pada neha |
nija prabhu darasana pāyaum̐, gayau sakala sandeha ||
भगति पच्छ हठ करि रहेउँ, दीन्हि महारिषि साप ।
मुनि दुर्लभ बर पायउँ, देखहु भजन प्रताप ॥
bhagati paccha haṭha kari raheum̐, dīnhi mahāriṣi sāpa |
muni durlabha bara pāyaum̐, dekhahu bhajana pratāpa ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0