आवत देखि सक्ति खर धारा । प्रनतारति भञ्जन पन मोरा ॥
तुरत बिभीषन पाछें मेला । सनमुख राम सहेउ सोइ सेला ॥
āvata dekhi sakti khara dhārā | pranatārati bhañjana pana morā ||
turata bibhīṣana pācheṃ melā | sanamukha rāma saheu soi selā ||
Lanka Kanda
Chapter 94: Rama takes the spear; Vibhishana strikes Ravana
6 verses · 94 of 121
What happens in this chapter
Rama takes the spear; Vibhishana strikes Ravana
Seeing the sharp spear coming, Rama remembers his vow to end the suffering of those who take refuge in him. He puts Vibhishana behind him and takes the spear on his own body. It leaves him faint for a moment. Seeing his Lord hurt, Vibhishana grabs his mace and rushes at Ravana in anger: wretch, you have set yourself against devas, men and munis. You offered your heads to Shiva with reverence and got a crore for each; that is why you have survived so long. Now Death dances on your head. He strikes Ravana's chest with the mace. Ravana falls, then rises and the two wrestle. Shiva says to Uma: Vibhishana once dared not even look Ravana in the face; now, by Raghubira's power, he fights him like Death.
लागि सक्ति मुरुछा कछु भई । प्रभु कृत खेल सुरन्ह बिकलई ॥
देखि बिभीषन प्रभु श्रम पायो । गहि कर गदा क्रुद्ध होइ धायो ॥
lāgi sakti muruchā kachu bhaī | prabhu kṛta khela suranha bikalaī ||
dekhi bibhīṣana prabhu śrama pāyo | gahi kara gadā kruddha hoi dhāyo ||
रे कुभाग्य सठ मन्द कुबुद्धे । तैं सुर नर मुनि नाग बिरुद्धे ॥
सादर सिव कहुँ सीस चढ़ाए । एक एक के कोटिन्ह पाए ॥
re kubhāgya saṭha manda kubuddhe | taiṃ sura nara muni nāga biruddhe ||
sādara siva kahum̐ sīsa car̤hāe | eka eka ke koṭinha pāe ||
तेहि कारन खल अब लगि बाँच्यों । अब तव काल सीस पर नाच्यो ॥
राम-बिमुख सठ चहसि सम्पदा । अस कहि हनेसि माँझ उर गदा ॥
tehi kārana khala aba lagi bām̐cyoṃ | aba tava kāla sīsa para nācyo ||
rāma-bimukha saṭha cahasi sampadā | asa kahi hanesi mām̐jha ura gadā ||
उर माँझ गदा प्रहार घोर कठोर लागत महि पर्यो ।
दस-बदन-सोनित-स्त्रवत पुनि सम्भारि धायो रिस भर्यो ॥
द्वौ भिरे अतिबल मल्लजुद्ध बिरुद्ध एक एकहि हनै ।
रघुबीर बल दर्पित बिभीषनु, घालि नहिँ ता कहँ गनै ॥
ura mām̐jha gadā prahāra ghora kaṭhora lāgata mahi paryo |
dasa-badana-sonita-stravata puni sambhāri dhāyo risa bharyo ||
dvau bhire atibala mallajuddha biruddha eka ekahi hanai |
raghubīra bala darpita bibhīṣanu, ghāli nahim̐ tā kaham̐ ganai ||
उमा बिभीषन रावनहि, सनमुख चितव कि काउ ।
सो अब भिरत काल ज्यों, श्रीरघुबीर प्रभाउ ॥
umā bibhīṣana rāvanahi, sanamukha citava ki kāu |
so aba bhirata kāla jyoṃ, śrīraghubīra prabhāu ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0