देखा श्रमित बिभीषन भारी । धायउ हनूमान गिरि धारी ॥
रथ तुरङ्ग सारथी निपाता । हृदय माँझ तेहि मारेसि लाता ॥
dekhā śramita bibhīṣana bhārī | dhāyau hanūmāna giri dhārī ||
ratha turaṅga sārathī nipātā | hṛdaya mām̐jha tehi māresi lātā ||
Lanka Kanda
Chapter 95: Hanuman and Ravana duel in the sky
6 verses · 95 of 121
What happens in this chapter
Hanuman and Ravana duel in the sky
Seeing Vibhishana worn out, Hanuman runs up carrying a mountain. He kills Ravana's horses and charioteer and kicks him in the chest. Ravana stays standing, trembling, and Vibhishana goes back to the protector of his people. Then Ravana challenges and strikes Hanuman, who rises into the sky with his tail spread. Ravana grabs the tail and flies up with him, and the two fight in the air, like a mountain of lampblack fighting Sumeru. When strength and skill cannot bring the rakshasa down, Hanuman remembers the Lord. Ravana falls, rises and fights on, and the devas cry victory to both. At Raghubira's call the monkeys charge again, and Ravana, seeing their strength, brings out a deception.
ठाढ़ रहा अति-कम्पित गाता । गयउ बिभीषन जहँ जनत्राता ॥
पुनि रावन कपि हतेउ पचारी । चलेउ गगन कपि पूँछ पसारी ॥
ṭhār̤ha rahā ati-kampita gātā | gayau bibhīṣana jaham̐ janatrātā ||
puni rāvana kapi hateu pacārī | caleu gagana kapi pūm̐cha pasārī ||
गहिसि पूँछ कपि सहित उड़ाना । पुनि फिरि भिरेउ प्रबल हनुमाना ॥
लरत अकास जुगल सम जोधा । एकहि एक हनत कर क्रोधा ॥
gahisi pūm̐cha kapi sahita ur̤ānā | puni phiri bhireu prabala hanumānā ||
larata akāsa jugala sama jodhā | ekahi eka hanata kara krodhā ||
सोहहिं नभ छल बल बहु करहीँ । कज्जल गिरि सुमेरु जनु लरहीं ॥
बुधि बल निसिचर परइ न मारेउ । तब मारुत-सुत प्रभु संभार्यो ॥
sohahiṃ nabha chala bala bahu karahīm̐ | kajjala giri sumeru janu larahīṃ ||
budhi bala nisicara parai na māreu | taba māruta-suta prabhu saṃbhāryo ||
सम्भारि श्रीरघुबीर धीर पचारि कपि रावन हन्यो ।
महि परत पुनि उठि लरत देवन्ह, जुगल कहँ जय जय भन्यो ॥
हनुमन्त सङ्कट देखि मर्कट, भालु क्रोधातुर चढे ।
रन-मत्त रावन सकल सुभट प्रचंड भुज-बल दलमले ॥
sambhāri śrīraghubīra dhīra pacāri kapi rāvana hanyo |
mahi parata puni uṭhi larata devanha, jugala kaham̐ jaya jaya bhanyo ||
hanumanta saṅkaṭa dekhi markaṭa, bhālu krodhātura caḍhe |
rana-matta rāvana sakala subhaṭa pracaṃḍa bhuja-bala dalamale ||
तब रघुवीर पचारे, धाये कीस प्रचंड ।
कपि दल प्रबल देखि तेहिं, कीन्ह प्रगट पाखंड ॥
taba raghuvīra pacāre, dhāye kīsa pracaṃḍa |
kapi dala prabala dekhi tehiṃ, kīnha pragaṭa pākhaṃḍa ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0