दसमुख देखि सिरन्ह के बाढ़ी । बिसरा मरन भई रिस गाढ़ी ॥
गर्जेउ मूढ़ महा-अभिमानी । धायउ दसहु सरासन तानी ॥
dasamukha dekhi siranha ke bār̤hī | bisarā marana bhaī risa gār̤hī ||
garjeu mūr̤ha mahā-abhimānī | dhāyau dasahu sarāsana tānī ||
Lanka Kanda
Chapter 93: Severed heads cry out; a spear at Vibhishana
6 verses · 93 of 121
What happens in this chapter
Severed heads cry out; a spear at Vibhishana
Seeing his heads multiply, Ravana forgets death and his rage deepens. He covers Rama's chariot with arrows until for a moment it cannot be seen, like the sun hidden in mist. When the devas cry out in alarm, the Lord takes up his bow, turns aside the arrows and cuts off the heads. The severed heads fly through the sky crying victory: where is Lakshmana, where is Hanuman, where is Rama, Lord of Kosala? The monkeys flee from them, but the jewel of the Raghus smiles and pierces them with arrows. Bands of Kalikas gather, garlands of heads in hand. Then Ravana hurls a fierce spear at Vibhishana, like the rod of Death.
समर-भूमि दसकन्धर कोप्यो । बरषि बान रघुपति रथ तोप्यो ॥
दंड एक रथ देखि न परेऊ । जनु निहार महँ दिनकर दुरेऊ ॥
samara-bhūmi dasakandhara kopyo | baraṣi bāna raghupati ratha topyo ||
daṃḍa eka ratha dekhi na pareū | janu nihāra maham̐ dinakara dureū ||
हाहाकार सुरन्ह जब कीन्हा । तब प्रभु कोपि कारमुक लीन्हा ॥
सर निवारि रिपु के सिर काटे । ते दिसि बिदिस गगन महि पाटे ॥
hāhākāra suranha jaba kīnhā | taba prabhu kopi kāramuka līnhā ||
sara nivāri ripu ke sira kāṭe | te disi bidisa gagana mahi pāṭe ||
काटे सिर नभ-मारग धावहिं । जय जय धुनि करि भय उपजावहिं ॥
कहँ लछिमन हनुमान कपीसा । कहँ रघुबीर कोसलाधीसा ॥
kāṭe sira nabha-māraga dhāvahiṃ | jaya jaya dhuni kari bhaya upajāvahiṃ ||
kaham̐ lachimana hanumāna kapīsā | kaham̐ raghubīra kosalādhīsā ||
कहँ राम कहि सिर निकर धाए, देखि मर्कट भजि चले ।
सन्धानि धनु रघुबंस-मनि हँसि सरन्हि सिर बेधे भले ॥
सिर-मालिका कर कालिका गहि, बृन्द वृन्दन्हि बहु मिलीँ ।
करि रुधिर सरि सज्जन मनहुँ संग्राम-बट पूजन चलीँ ॥
kaham̐ rāma kahi sira nikara dhāe, dekhi markaṭa bhaji cale |
sandhāni dhanu raghubaṃsa-mani ham̐si saranhi sira bedhe bhale ||
sira-mālikā kara kālikā gahi, bṛnda vṛndanhi bahu milīm̐ |
kari rudhira sari sajjana manahum̐ saṃgrāma-baṭa pūjana calīm̐ ||
पुनि दसकंठ क्रुद्ध होइ, छाँड़ी सक्ति प्रचंड ।
चली बिभीषन सनमुख, मनहुँ काल कर दंड ॥
puni dasakaṃṭha kruddha hoi, chām̐r̤ī sakti pracaṃḍa |
calī bibhīṣana sanamukha, manahum̐ kāla kara daṃḍa ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0