देवन्ह प्रभुहि पयादें देखा । उपजा उर अति छोभ बिसेखा ॥
सुरपति निज रथ तुरत पठावा । हरष सहित मातलि लेइ आवा ॥
devanha prabhuhi payādeṃ dekhā | upajā ura ati chobha bisekhā ||
surapati nija ratha turata paṭhāvā | haraṣa sahita mātali lei āvā ||
Lanka Kanda
Chapter 89: Indra's chariot comes and Ravana's maya fails
6 verses · 89 of 121
What happens in this chapter
Indra's chariot comes and Ravana's maya fails
The devas are troubled to see the Lord fighting on foot. Indra at once sends his own chariot, and Matali brings it gladly. The King of Kosala mounts the radiant divine chariot. Seeing Raghunatha in the chariot, the monkeys charge with fresh strength, and Ravana, unable to bear their blows, spreads his maya. Only Raghubira sees through it; Lakshmana and the monkeys take it for real. They see a rakshasa army made up of many Ramas and many Lakshmanas and stand frozen. The Lord smiles, sets an arrow to the bow and in a blink takes the illusion away, and the monkey host rejoices. Then Rama looks at them all and says gravely: you are exhausted, heroes; now watch a single combat.
तेज पुञ्ज रथ दिव्य अनूपा । हरषि चढ़े कोसलपुर भूपा ॥
चञ्चल तुरग मनोहर चारी । अजर अमर मन सम गतिकारी ॥
teja puñja ratha divya anūpā | haraṣi car̤he kosalapura bhūpā ||
cañcala turaga manohara cārī | ajara amara mana sama gatikārī ||
रथारूढ़ रघुनाथहि देखी । धाये कपि बल पाइ बिसेखी ॥
सही न जाइ कपिन्ह के मारी । तर रावन माया बिस्तारी ॥
rathārūr̤ha raghunāthahi dekhī | dhāye kapi bala pāi bisekhī ||
sahī na jāi kapinha ke mārī | tara rāvana māyā bistārī ||
सो माया रघुबीरहि बाँची । लछिमन कपिन्ह सो मानी साँची ॥
देखी कपिन्ह निसाचर अनी । अनुज सहित बहु कोसलधनी ॥
so māyā raghubīrahi bām̐cī | lachimana kapinha so mānī sām̐cī ||
dekhī kapinha nisācara anī | anuja sahita bahu kosaladhanī ||
बहु राम लछिमन देखि मर्कट, भालु मन अति अपडरे ।
जनु चित्र लिखित समेत लछिमन, जहँ सो तहँ चितवहिँ खरे ॥
निज सेन चकित बिलोकि हँसि सर, चाप सजि कोसल धनी ।
माया हरी हरि निमिष सह हरषी सकल मरकट-अनी ॥
bahu rāma lachimana dekhi markaṭa, bhālu mana ati apaḍare |
janu citra likhita sameta lachimana, jaham̐ so taham̐ citavahim̐ khare ||
nija sena cakita biloki ham̐si sara, cāpa saji kosala dhanī |
māyā harī hari nimiṣa saha haraṣī sakala marakaṭa-anī ||
बहुरि राम सब तन चितइ, बोले बचन गंभीर ।
द्वन्द-जुद्ध देखहु सकल, श्रमित भये अति बीर ॥
bahuri rāma saba tana citai, bole bacana gaṃbhīra |
dvanda-juddha dekhahu sakala, śramita bhaye ati bīra ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0