अस कहि रथ रघुनाथ चलावा । विप्र-चरन-पङ्कज सिर नाना ॥
तब लंकेस क्रोध उर छावा । गर्जत तर्जत सनमुख धावा ॥
asa kahi ratha raghunātha calāvā | vipra-carana-paṅkaja sira nānā ||
taba laṃkesa krodha ura chāvā | garjata tarjata sanamukha dhāvā ||
Lanka Kanda
Chapter 90: Ravana boasts; Rama on three kinds of men
7 verses · 90 of 121
What happens in this chapter
Ravana boasts; Rama on three kinds of men
Bowing in his heart to the feet of the brahmanas, Raghunatha drives his chariot forward. Ravana charges, roaring and threatening: hear me, ascetic, I am not like the warriors you have beaten. The guardians of the worlds sit in my prison. You killed Khara, Dushana and Viradha, killed poor Vali like a hunter, Kumbhakarna and Meghanada. Today I settle every score, unless you run. Knowing him in Death's grip, the merciful Lord smiles: all your power is true, but do not prattle; show your manhood. There are three kinds of men, like the patala, mango and jackfruit trees. One only talks, one talks and does, one does without talking. Ravana laughs: you teach me wisdom? You did not fear when you made this enmity; now life seems dear.
जीतेहु जे भट सञ्जुग माहीं । सुनु तापस में तिन्ह सम नाहीं ॥
रावन नाम जगत जस जाना । लोकप जाकें बन्दीखाना ॥
jītehu je bhaṭa sañjuga māhīṃ | sunu tāpasa meṃ tinha sama nāhīṃ ||
rāvana nāma jagata jasa jānā | lokapa jākeṃ bandīkhānā ||
खर-दूषन-बिराध तुम्ह मारा । बधेहु ब्याध इव बालि बिचारा ॥
निसिचर-निकर सुभट संघारेहु । कुम्भकरन घननादहि मारेहु ॥
khara-dūṣana-birādha tumha mārā | badhehu byādha iva bāli bicārā ||
nisicara-nikara subhaṭa saṃghārehu | kumbhakarana ghananādahi mārehu ||
आजु वयर सब लेउँ निबाही । जौँ रन भूप भाजि न जाई ॥
आजु करउँ खलु काल-हवाले । परेहु कठिन रावन के पाले ॥
āju vayara saba leum̐ nibāhī | jaum̐ rana bhūpa bhāji na jāī ||
āju karaum̐ khalu kāla-havāle | parehu kaṭhina rāvana ke pāle ||
सुनि दुर्बचन काल-बस जाना । बिहँसि बचन कह कृपानिधाना ॥
सत्य सत्य सब तब प्रभुताई । जल्पसि जनि देखाउ मनुसाई ॥
suni durbacana kāla-basa jānā | biham̐si bacana kaha kṛpānidhānā ||
satya satya saba taba prabhutāī | jalpasi jani dekhāu manusāī ||
जनि जल्पना करि सुजस नासहि, नीति सुनहि करहि छमा ।
संसार महँ पूरुष त्रिबिधि पाटल रसाल पनस समा ॥
एक सुमन प्रद एक-सुमन-फल एक, फलइ केवल लागहीं ।
एक कहहिं कहहिं करहिं अपर एक, करहिं कहत न बागहीं ॥
jani jalpanā kari sujasa nāsahi, nīti sunahi karahi chamā |
saṃsāra maham̐ pūruṣa tribidhi pāṭala rasāla panasa samā ||
eka sumana prada eka-sumana-phala eka, phalai kevala lāgahīṃ |
eka kahahiṃ kahahiṃ karahiṃ apara eka, karahiṃ kahata na bāgahīṃ ||
राम बचन सुनि बिहँसा, मोहि सिखावत ज्ञान ।
बयर करत नहिँ तब डरे, अब लागे प्रिय प्रात ॥
rāma bacana suni biham̐sā, mohi sikhāvata jñāna |
bayara karata nahim̐ taba ḍare, aba lāge priya prāta ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0