मज्जहिं भूत पिसाच बेताला । प्रमथ महा झोटिंग कराला ॥
काक कङ्क लै भुजा उड़ाहीं । एक ते छीनि एक लै खाहीं ॥
majjahiṃ bhūta pisāca betālā | pramatha mahā jhoṭiṃga karālā ||
kāka kaṅka lai bhujā ur̤āhīṃ | eka te chīni eka lai khāhīṃ ||
Lanka Kanda
Chapter 88: Ghouls feast and Ravana turns to maya
7 verses · 88 of 121
What happens in this chapter
Ghouls feast and Ravana turns to maya
Bhutas, pishachas and vetalas bathe in the river of blood. Crows and kites fly off with severed arms and snatch them from one another; one mocks another that even amid such plenty his hunger never ends. Wounded warriors groan on the banks like men half in the water. Vultures drag out entrails as if they were fishing. Yoginis fill their skull-bowls, the wives of ghosts dance in the sky, and Chamunda sings. Headless trunks run about, and fallen heads cry victory. Struck by Rama's arrows, the great rakshasa warriors lie asleep on the field, while the monkeys grow proud. Ravana reflects: the rakshasas are destroyed, I am alone and the monkeys are many; I will create a boundless maya.
एक कहहिँ ऐसिउ सौंघाई । सठहु तुम्हार दरिद्र न जाई ॥
कहँरत भट घायल तट गिरे । जहँ तहँ मनहुँ अर्धजल परे ॥
eka kahahim̐ aisiu sauṃghāī | saṭhahu tumhāra daridra na jāī ||
kaham̐rata bhaṭa ghāyala taṭa gire | jaham̐ taham̐ manahum̐ ardhajala pare ||
खैंचहिं गीध आँत तट भये । जनु बंसी खेलत चित दये ॥
बहु भट बहहिँ चढ़े खग जाहीं । जनु नावरि खेलहिँ सरि माहीं ॥
khaiṃcahiṃ gīdha ām̐ta taṭa bhaye | janu baṃsī khelata cita daye ||
bahu bhaṭa bahahim̐ car̤he khaga jāhīṃ | janu nāvari khelahim̐ sari māhīṃ ||
जोगिनि भरि भरि खप्पर संचहिं । भूत पिसाच बधू नभ नंचहिं ॥
भट कपाल करताल बजावहिं । चामुंडा नाना विधि गावहिं ॥
jogini bhari bhari khappara saṃcahiṃ | bhūta pisāca badhū nabha naṃcahiṃ ||
bhaṭa kapāla karatāla bajāvahiṃ | cāmuṃḍā nānā vidhi gāvahiṃ ||
जम्बुक निकर कटक्कट कट्टहिं । खाहिँ हुआहिं अघाहिं दपट्टहिं ॥
कोटिन्ह रुंड मुंड बिनु डोल्लहिं । सीस परे महि जय जय बोलहिं ॥
jambuka nikara kaṭakkaṭa kaṭṭahiṃ | khāhim̐ huāhiṃ aghāhiṃ dapaṭṭahiṃ ||
koṭinha ruṃḍa muṃḍa binu ḍollahiṃ | sīsa pare mahi jaya jaya bolahiṃ ||
बोल्लहिं जो जय जय मुंड रुंड प्रचंड सिर बिनु धावहीं ।
खप्परिन्ह खग्ग अलुज्झि जुज्झहिं, सुभट भटन्ह ढहावहीं ॥
बानर निसाचर निकर मर्दहिं, मालु कपि दर्पित भये ।
संग्राम-अङ्गन सुभट सोवहिं, राम-सर निकरन्हि हये ॥
bollahiṃ jo jaya jaya muṃḍa ruṃḍa pracaṃḍa sira binu dhāvahīṃ |
khapparinha khagga alujjhi jujjhahiṃ, subhaṭa bhaṭanha ḍhahāvahīṃ ||
bānara nisācara nikara mardahiṃ, mālu kapi darpita bhaye |
saṃgrāma-aṅgana subhaṭa sovahiṃ, rāma-sara nikaranhi haye ||
रावन हृदयँ विचारा, भा निसिचर संघार ।
मैं अकेल कपि भालु बहु, माया करउँ अपार ॥
rāvana hṛdayam̐ vicārā, bhā nisicara saṃghāra |
maiṃ akela kapi bhālu bahu, māyā karaum̐ apāra ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0