एहीँ बीच निसाचर अनी । कसमसात आई अति घनी ॥
देखि चले सनमुख कपि-भट्टा । प्रलयकाल के जनु घन-घट्टा ॥
ehīm̐ bīca nisācara anī | kasamasāta āī ati ghanī ||
dekhi cale sanamukha kapi-bhaṭṭā | pralayakāla ke janu ghana-ghaṭṭā ||
Lanka Kanda
Chapter 87: The river of blood on the field
7 verses · 87 of 121
What happens in this chapter
The river of blood on the field
Meanwhile the rakshasa army comes on, packed and jostling, and the monkeys go to meet it like the massed clouds of dissolution. Swords flash like lightning in all ten directions. The monkeys' tails across the sky look like rainbows; dust rises like falling water and arrows pour down like rain. Then Raghupati, angered, lets loose a torrent of arrows and wounds the whole rakshasa host. A dreadful river of blood flows, terrifying to cowards: chariot wheels are its whirlpools, elephants and horses its water creatures, arrows and spears its waves, shields its turtles. Fallen warriors lie like trees on its banks. Cowards shrink from it; the brave feel at ease.
बहु कृपान तरवारि चमङ्कहिँ । जनु दहँ दिसि दामिनीं दमंकहिं ॥
गज-रथ-तुरग चिकार कठोरा । गर्जा मनहुँ बलाहक घोरा ॥
bahu kṛpāna taravāri camaṅkahim̐ | janu daham̐ disi dāminīṃ damaṃkahiṃ ||
gaja-ratha-turaga cikāra kaṭhorā | garjā manahum̐ balāhaka ghorā ||
कपि लङ्गुर बिपुल नभ छाये । मनहुँ इन्द्रधनु उये सुहाये ॥
उठइ धूरि मानहुँ जल धारा । बान बुन्द भइ वृष्टि अपारा ॥
kapi laṅgura bipula nabha chāye | manahum̐ indradhanu uye suhāye ||
uṭhai dhūri mānahum̐ jala dhārā | bāna bunda bhai vṛṣṭi apārā ||
दुहुँ दिसि पर्वत करहिँ प्रहारा । बज्रपात जनु बारहिँ बारा ॥
रघुपति कोपि बान झरि लाई । घायल मे निसिचर समुदाई ॥
duhum̐ disi parvata karahim̐ prahārā | bajrapāta janu bārahim̐ bārā ||
raghupati kopi bāna jhari lāī | ghāyala me nisicara samudāī ||
लागत बान चोर चिक्करहीं । घुर्मि घुर्मि जहँ तहँ महि परहीं ॥
स्त्रवहिं सैल जनु निर्झर बारी । सोनित-सरि कादर भयकारी ॥
lāgata bāna cora cikkarahīṃ | ghurmi ghurmi jaham̐ taham̐ mahi parahīṃ ||
stravahiṃ saila janu nirjhara bārī | sonita-sari kādara bhayakārī ||
कादर भयङ्कर रुधिर सरिता, चली परम-अपावनी ।
दोउ कूल-दल रथ-रेत चक्र, अबर्त बहति भयावनी ॥
जल जंतुगज-पदचर-तुरग-खर, बिबिध बाहन को गनै ।
सर-सक्ति-तोमर-सर्प चाप-तरङ्ग चर्म-कमठ घने ॥
kādara bhayaṅkara rudhira saritā, calī parama-apāvanī |
dou kūla-dala ratha-reta cakra, abarta bahati bhayāvanī ||
jala jaṃtugaja-padacara-turaga-khara, bibidha bāhana ko ganai |
sara-sakti-tomara-sarpa cāpa-taraṅga carma-kamaṭha ghane ||
बीर परहिँ जनु तीर तरु, मज्जा बहु बह फेन ।
कादर देखि डरहिं तहँ, सुभटन्ह के मन चेन ॥
bīra parahim̐ janu tīra taru, majjā bahu baha phena |
kādara dekhi ḍarahiṃ taham̐, subhaṭanha ke mana cena ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0