सक्ति सूल तरवारि कृपाना । अस्त्र सस्त्र कुलिसायुध नाना ॥
डारह परसु परिघ पाषाना । लागेउ वृष्टि करइ बहु बाना ॥
sakti sūla taravāri kṛpānā | astra sastra kulisāyudha nānā ||
ḍāraha parasu parigha pāṣānā | lāgeu vṛṣṭi karai bahu bānā ||
Lanka Kanda
Chapter 73: Meghanada binds Rama in the serpent noose
8 verses · 73 of 121
What happens in this chapter
Meghanada binds Rama in the serpent noose
From the sky Meghanada rains spears, tridents, swords, axes, clubs, stones and arrows. Cries of kill, seize him are heard, but no one can see who strikes. By his maya he builds a cage of arrows over every pass and cave. He wounds Hanuman, Angada, Lakshmana, Sugriva and Vibhishana, then turns on Rama. His arrows become serpents, and the slayer of Khara is bound. Yet he is ever free, one and unchanging, acting a part like a player on a stage; he let himself be bound for the glory of the battle, and the devas grew afraid. Shiva asks Girija: can he whose name cuts the noose of birth ever be bound?
दस दिसि रहे बान नभ छाई । मानहुँ मघा-मेघ झरि लाई ॥
धरु धरु मारु सुनिय धुनि काना । जो मारइ तेहि कोउ न जाना ॥
dasa disi rahe bāna nabha chāī | mānahum̐ maghā-megha jhari lāī ||
dharu dharu māru suniya dhuni kānā | jo mārai tehi kou na jānā ||
गहि गिरि तरु अकास कपि धावहिँ । देखहिँ तेहि न दुखित फिरि आवहिँ ॥
अवघट-घाट-बाट--गिरि कन्दर । माया बल कीन्हेसि सर-पंजर ॥
gahi giri taru akāsa kapi dhāvahim̐ | dekhahim̐ tehi na dukhita phiri āvahim̐ ||
avaghaṭa-ghāṭa-bāṭa--giri kandara | māyā bala kīnhesi sara-paṃjara ||
जाहिँ कहाँ व्याकुल भए बन्दर । सुरपति बन्दि परे जनु मन्दर ॥
मारुतसुत अङ्गद नल नीला । कीन्हेसि बिकल सकल बलसीला ॥
jāhim̐ kahām̐ vyākula bhae bandara | surapati bandi pare janu mandara ||
mārutasuta aṅgada nala nīlā | kīnhesi bikala sakala balasīlā ||
पुनि लछिमन सुग्रीव बिभीषन । सरन्हि मारि कीन्हेसि जर्जर-तन ॥
पुनि रघुपति सैं जूझे लागा । सर छाँड़इ होइ लागहिँ नागा ॥
puni lachimana sugrīva bibhīṣana | saranhi māri kīnhesi jarjara-tana ||
puni raghupati saiṃ jūjhe lāgā | sara chām̐r̤ai hoi lāgahim̐ nāgā ||
व्याल-पास-बस भये खरारी । स्वबस अनन्त एक अबिकारी ॥
नट इव कपट चरित कर नाना । सदा स्वतन्त्र राम भगवाना ॥
vyāla-pāsa-basa bhaye kharārī | svabasa ananta eka abikārī ||
naṭa iva kapaṭa carita kara nānā | sadā svatantra rāma bhagavānā ||
रन सोभा लगि प्रभुहिं बँधायो । नागपास देवन्ह भय पायो ॥
rana sobhā lagi prabhuhiṃ bam̐dhāyo | nāgapāsa devanha bhaya pāyo ||
गिरिजा जासु नाम जपि, मुनि काटहिं भव पास ।
सो कि बन्ध तर आवइ, व्यापक बिस्व-निवास ॥
girijā jāsu nāma japi, muni kāṭahiṃ bhava pāsa |
so ki bandha tara āvai, vyāpaka bisva-nivāsa ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0