चरित राम के सगुन भवानी । तर्कि न जाहिँ बुद्धि बल बानी ॥
अस बिचारि जे तज्ञ बिरागी । रामहि भजहिँ तर्क सब त्यागी ॥
carita rāma ke saguna bhavānī | tarki na jāhim̐ buddhi bala bānī ||
asa bicāri je tajña birāgī | rāmahi bhajahim̐ tarka saba tyāgī ||
Lanka Kanda
Chapter 74: Garuda frees Rama; Jambavan throws Meghanada
7 verses · 74 of 121
What happens in this chapter
Garuda frees Rama; Jambavan throws Meghanada
Bhagwan Shiva tells Bhavani that Rama's deeds in form cannot be reasoned out by intellect or speech; the wise and dispassionate leave argument aside and simply worship him. Meghanada reappears, taunting. When Jambavan challenges him, he says he once spared the old bear, and hurls his trident. Jambavan catches it and strikes him in the chest with it; the slayer of devas falls reeling. Jambavan then swings him by the feet and dashes him to the earth, but by a boon he cannot die, so Jambavan flings him back into Lanka. Meanwhile Narada sends Garuda, who comes swiftly to Rama and devours the whole mass of illusory serpents. Freed from the maya, the monkeys rejoice and chase the rakshasas back into the fort.
व्याकुल कटक कीन्ह घननादा । पुनि भा प्रगट कहइ दुर्बादा ॥
जामवन्त कह खल रह ठाढ़ा । सुनि करि ताहि क्रोध अति बाढ़ा ॥
vyākula kaṭaka kīnha ghananādā | puni bhā pragaṭa kahai durbādā ||
jāmavanta kaha khala raha ṭhār̤hā | suni kari tāhi krodha ati bār̤hā ||
बूढ़ जानि सठ छाँड़ेउँ तोही । लागेसि अधम पचारै मोही ॥
अस कहि तरल त्रिसूल चलायो । जामवन्त कर गहि सोइ धायो ॥
būr̤ha jāni saṭha chām̐r̤eum̐ tohī | lāgesi adhama pacārai mohī ||
asa kahi tarala trisūla calāyo | jāmavanta kara gahi soi dhāyo ||
मारिसि मेघनाद कै छाती । परा भूमि घुर्मित सुरघाती ॥
पुनि रिसान गहि चरन फिरायौ । महि पछारि निज बल देखरायो ॥
mārisi meghanāda kai chātī | parā bhūmi ghurmita suraghātī ||
puni risāna gahi carana phirāyau | mahi pachāri nija bala dekharāyo ||
बर प्रसाद सो मरइ न मारा । तब गहि पद लङ्का पर डारा ॥
इहाँ देवरिषि गरुड़ पठायो । राम समीप सपदि सो आयो ॥
bara prasāda so marai na mārā | taba gahi pada laṅkā para ḍārā ||
ihām̐ devariṣi garur̤a paṭhāyo | rāma samīpa sapadi so āyo ||
खगपति सब धरि खाये, माया-नाग-बरूथ ।
माया-बिगत भये सब, हरषे बानर जूथ ॥
khagapati saba dhari khāye, māyā-nāga-barūtha |
māyā-bigata bhaye saba, haraṣe bānara jūtha ||
गहि गिरि पादप उपल नख, धाये कीस रिसाइ ।
चले तमीचर बिकलतर, गढ़ पर चढ़े पराइ ॥
gahi giri pādapa upala nakha, dhāye kīsa risāi |
cale tamīcara bikalatara, gar̤ha para car̤he parāi ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0