दिन कें अन्त फिरीं दोउ अनी । समर भई सुभटन्ह श्रम घनी ॥
राम कृपाँ कपि दल बल बाढ़ा । जिमि तृन पाइ लाग अति डाढ़ा ॥
dina keṃ anta phirīṃ dou anī | samara bhaī subhaṭanha śrama ghanī ||
rāma kṛpām̐ kapi dala bala bār̤hā | jimi tṛna pāi lāga ati ḍār̤hā ||
Lanka Kanda
Chapter 72: Ravana mourns and Meghanada's boast
7 verses · 72 of 121
What happens in this chapter
Ravana mourns and Meghanada's boast
At day's end both armies withdraw, the warriors worn out. By Rama's grace the monkeys' strength grows like fire fed on dry grass, while the rakshasas dwindle day and night. Ravana laments, pressing his brother's head to his breast again and again; the women weep and beat their breasts, recounting Kumbhakarna's might. Then Meghanada comes and consoles his father with many words: tomorrow you will see my manhood. I have a chariot and power from my chosen deity that I have not yet shown you. Dawn breaks while he boasts. Monkeys crowd all four gates, and the fighting is beyond description. Meghanada mounts his chariot of illusion, rises into the sky and laughs aloud, and the monkey army is struck with fear.
छीजहिँ निसिचर दिन अरु राती । निज मुख कहें सुकृत जेहि भाँती ॥
बहु बिलाप दसकन्धर करई । बन्धु सीस पुनि पुनि उर धरई ॥
chījahim̐ nisicara dina aru rātī | nija mukha kaheṃ sukṛta jehi bhām̐tī ||
bahu bilāpa dasakandhara karaī | bandhu sīsa puni puni ura dharaī ||
रोवहिं नारि हृदय हति पानी । तासु तेज बल बिपुल बखानी ॥
मेघनाद तेहि अवसर आवा । कहि बहु कथा पिता समुझायउ ॥
rovahiṃ nāri hṛdaya hati pānī | tāsu teja bala bipula bakhānī ||
meghanāda tehi avasara āvā | kahi bahu kathā pitā samujhāyau ||
देखेहु कालि मोरि मनुसाई । अबहिं बहुत का करउँ बड़ाई ॥
इष्टदेव साँ बल रथ पायउँ । सो बल तात न तोहि देखायउँ ॥
dekhehu kāli mori manusāī | abahiṃ bahuta kā karaum̐ bar̤āī ||
iṣṭadeva sām̐ bala ratha pāyaum̐ | so bala tāta na tohi dekhāyaum̐ ||
एहि बिधि जल्पत भयउ बिहाना । चहुँ दुआर लागे कपि नाना ॥
इत कपि-भालु काल सम बीरा । उत रजनीचर अति रनधीरा ॥
ehi bidhi jalpata bhayau bihānā | cahum̐ duāra lāge kapi nānā ||
ita kapi-bhālu kāla sama bīrā | uta rajanīcara ati ranadhīrā ||
लरहिँ सुभट निज निज जय हेतू । बरनि न जाइ समर खगकेतू ॥
larahim̐ subhaṭa nija nija jaya hetū | barani na jāi samara khagaketū ||
मेघनाद माया-मय,-रथ चढ़ि गयउ अकास ।
गर्जेउ अट्टहास करि, भइ कपि कटकहि त्रास ॥
meghanāda māyā-maya,-ratha car̤hi gayau akāsa |
garjeu aṭṭahāsa kari, bhai kapi kaṭakahi trāsa ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0