5 verses · 68 of 121
Shri Rama takes up the Sharnga bow, ties the quiver at his waist and goes out to crush the enemy. First he twangs the bowstring, and the rakshasa army is deafened. The Lord whose word is always true then looses a lakh of arrows, flying like winged serpents of Death, and everywhere the fearsome warriors are cut down. Feet, chests, heads and arms are severed; many a hero is cut into a hundred pieces. The wounded reel and fall, then rise and fight again. Struck, they roar like clouds, while many flee at the sight of those hard shafts. Headless trunks run about shouting kill, kill. In a moment the terrible host is cut down, and the arrows return of themselves into Raghubira's quiver.
कर सारङ्ग साजि कटि भाथा । अरि दल दलन चले रघुनाथा ॥
प्रथम कीन्ह प्रभु धनुष टँकोरा । रिपु-दल बधिर भयउ मुनि सोरा ॥
kara sāraṅga sāji kaṭi bhāthā | ari dala dalana cale raghunāthā ||
prathama kīnha prabhu dhanuṣa ṭam̐korā | ripu-dala badhira bhayau muni sorā ||
सत्यसन्ध छाँड़े सर लच्छा । कालसर्प जनु चले सपच्छा ॥
जहँ तहँ चले बिपुल नाराचा । लगे कटन भट बिकट पिसाचा ॥
satyasandha chām̐r̤e sara lacchā | kālasarpa janu cale sapacchā ||
jaham̐ taham̐ cale bipula nārācā | lage kaṭana bhaṭa bikaṭa pisācā ||
कटहिं चरन उर सिर भुजदंडा । बहुतक बीर होहिं सत खंडा ॥
घुर्मि घुर्मि घायल महि परहीं । उठि सम्भारि सुभट पुनि लरहीं ॥
kaṭahiṃ carana ura sira bhujadaṃḍā | bahutaka bīra hohiṃ sata khaṃḍā ||
ghurmi ghurmi ghāyala mahi parahīṃ | uṭhi sambhāri subhaṭa puni larahīṃ ||
लागत बान जलद जिमि गाजहिँ । बहुतक देखि कठिन सर भाजहिँ ॥
रुंड प्रचंड मुंड बिनु धावहिँ । धरु धरु मारू मारु धुनि गावहिं ॥
lāgata bāna jalada jimi gājahim̐ | bahutaka dekhi kaṭhina sara bhājahim̐ ||
ruṃḍa pracaṃḍa muṃḍa binu dhāvahim̐ | dharu dharu mārū māru dhuni gāvahiṃ ||
छन महुँ प्रभु के सायकन्हि, काटे बिकट पिसाच ।
पुनि रघुबीर निषङ्ग मह, प्रबिसे सब नाराच ॥
chana mahum̐ prabhu ke sāyakanhi, kāṭe bikaṭa pisāca |
puni raghubīra niṣaṅga maha, prabise saba nārāca ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0
