अस कौतुक बिलोकि दोउ भाई । बिहँसि चले कृपाल रघुराई ॥
सेन सहित उतरे रघुबीरा । कहि न जाइ कपि-जूथप-भीरा ॥
asa kautuka biloki dou bhāī | biham̐si cale kṛpāla raghurāī ||
sena sahita utare raghubīrā | kahi na jāi kapi-jūthapa-bhīrā ||
Lanka Kanda
Chapter 5: The army lands, Ravana hears of the bridge
6 verses · 5 of 121
What happens in this chapter
The army lands, Ravana hears of the bridge
Seeing the creatures serve as a bridge, the two brothers smile and walk on. Shri Rama lands with the army and camps beyond the sea,, telling the monkeys to eat fruits and roots. Every tree bears fruit for Rama's sake, ignoring season and time. The monkeys eat the sweet fruit, shake the trees and fling hilltops toward Lanka. Wherever they find a roaming rakshasa they surround him and make him dance, then cut off his nose and ears with their teeth, tell him Rama's glory and let him go. Those maimed rakshasas carry the news to Ravana. Hearing that the ocean has been bound, the ten-headed king cries out in alarm, repeating ten names of the sea one after another, as if he cannot believe it.
सिन्धु पार प्रभु डेरा कीन्हा । सकल कपिन्ह कहँ आयसु दीन्हा ॥
खाहु जाइ फल मूल सुहाये । सुनत भालु कपि जहँ तहँ धाये ॥
sindhu pāra prabhu ḍerā kīnhā | sakala kapinha kaham̐ āyasu dīnhā ||
khāhu jāi phala mūla suhāye | sunata bhālu kapi jaham̐ taham̐ dhāye ||
सब तरु फरे राम-हित-लागी । रितु अरु कुरितु काल गति त्यागी ॥
खाहिँ मधुर-पाल बटप हलावहिँ । लङ्का सनमुख सिखर चलावहिं ॥
saba taru phare rāma-hita-lāgī | ritu aru kuritu kāla gati tyāgī ||
khāhim̐ madhura-pāla baṭapa halāvahim̐ | laṅkā sanamukha sikhara calāvahiṃ ||
जहँ कहुँ फिरत निसाचर पावहिं । घेरि सकल बहु नाच नचावहिं ॥
दसनन्हि काटि नासिका काना । कहि प्रभु सुजसु देहिँ तब जाना ॥
jaham̐ kahum̐ phirata nisācara pāvahiṃ | gheri sakala bahu nāca nacāvahiṃ ||
dasananhi kāṭi nāsikā kānā | kahi prabhu sujasu dehim̐ taba jānā ||
जिन्ह कर नासा कान निपाता । तिन्ह रावनहि कही सब बाता ॥
सुनत स्रवन बारिधि-बन्धाना । दस मुख बोलि उठा अकुलाना ॥
jinha kara nāsā kāna nipātā | tinha rāvanahi kahī saba bātā ||
sunata sravana bāridhi-bandhānā | dasa mukha boli uṭhā akulānā ||
बांध्यो बननिधि नीरनिधि, जलधि सिन्धु बारीस ।
सत्य तोयनिधि कम्पति, उदधि पयोधि नदीस ॥
bāṃdhyo bananidhi nīranidhi, jaladhi sindhu bārīsa |
satya toyanidhi kampati, udadhi payodhi nadīsa ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0