प्रभु-पद-काल सील तिन्ह लाये । देखि सुभट रघुपति मन भाए ॥
राम कृपा करि जुगल निहारे । भए बिगतश्रम परम-सुखारे ॥
prabhu-pada-kāla sīla tinha lāye | dekhi subhaṭa raghupati mana bhāe ||
rāma kṛpā kari jugala nihāre | bhae bigataśrama parama-sukhāre ||
Lanka Kanda
Chapter 46: Night battle and the rakshasas' darkness
7 verses · 46 of 121
What happens in this chapter
Night battle and the rakshasas' darkness
Angada and Hanuman bow at the Lord's feet, and Raghupati is pleased to see the two warriors; under his gracious glance their weariness goes. Knowing they have left the field, the bears and monkeys turn back too. Gaining strength at dusk, the rakshasas charge in Ravana's name. The armies grapple, neither admitting defeat. The rakshasas are all black; the monkeys of many colours. They clash like the dark clouds of the rains and the white clouds of autumn driven together by the wind. Then the commanders Akampana and Atikaya, seeing their army waver, work magic. In an instant all goes pitch dark, and a rain of blood, stones and ash falls. The monkeys cannot see one another and cry out on every side.
गए जानि अङ्गद हनुमाना । फिरे भालु मर्कट भट नाना ॥
जातुधान प्रदोष बल पाई । धाये करि दससीस-दोहाई ॥
gae jāni aṅgada hanumānā | phire bhālu markaṭa bhaṭa nānā ||
jātudhāna pradoṣa bala pāī | dhāye kari dasasīsa-dohāī ||
निसिचर-अनी देखि कपि फिरे । जहँ वह कटकटाइ भट-भिरे ॥
दोउ दल प्रबल पचारि पचारी । लरत सुभट नहिँ मानहिँ हारी ॥
nisicara-anī dekhi kapi phire | jaham̐ vaha kaṭakaṭāi bhaṭa-bhire ||
dou dala prabala pacāri pacārī | larata subhaṭa nahim̐ mānahim̐ hārī ||
महाबीर निसिचर सब कारे । नाना बरन बलीमुख भारे ॥
सबल जुगल दल सम-बल-जोधा । कौतुक करत लरत करि क्रोधा ॥
mahābīra nisicara saba kāre | nānā barana balīmukha bhāre ||
sabala jugala dala sama-bala-jodhā | kautuka karata larata kari krodhā ||
प्राबिट-सरद-पयोद घनेरे । लरत मनहुँ मारुत के प्रेरे ॥
अनिप अकम्पन अरु अतिकाया । बिचलत सेन कीन्हि इन्ह माया ॥
prābiṭa-sarada-payoda ghanere | larata manahum̐ māruta ke prere ||
anipa akampana aru atikāyā | bicalata sena kīnhi inha māyā ||
भयउ निमिष महँ अति अँधियारा । वृष्टि होइ रुधिरोपल-छारा ॥
bhayau nimiṣa maham̐ ati am̐dhiyārā | vṛṣṭi hoi rudhiropala-chārā ||
देखि निबिड़ तम दसहुँ दिसि, कपिदल भयउ खभार ।
एकहि एक न देखई, जहँ तहँ करहिं पुकार ॥
dekhi nibir̤a tama dasahum̐ disi, kapidala bhayau khabhāra |
ekahi eka na dekhaī, jaham̐ taham̐ karahiṃ pukāra ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0