कोट कँगूरन्हि सोहहिं कैसे । मेरु के सृंगनि जनु घन बैसे ॥
बाजहिँ ढोल निसान जुझाऊ । सुनि धुनि होइ भटन्हि मन चाऊ ॥
koṭa kam̐gūranhi sohahiṃ kaise | meru ke sṛṃgani janu ghana baise ||
bājahim̐ ḍhola nisāna jujhāū | suni dhuni hoi bhaṭanhi mana cāū ||
Lanka Kanda
Chapter 41: The assault on Lanka's walls begins
6 verses · 41 of 121
What happens in this chapter
The assault on Lanka's walls begins
The rakshasas on the battlements look like clouds settled on the peaks of Meru. War drums, kettledrums and pipes sound; warriors thrill and cowards' hearts crack. The huge bears and monkeys run, heeding no rough ground, splitting hills and roaring by the million. On one side they cry Ravana's name, on the other Rama's, and with shouts of victory the battle is joined. The rakshasas topple peaks onto them; the monkeys leap, catch them and hurl them back. The chhand shows the bears flinging boulders onto the fort, seizing rakshasas by the feet and dashing them down, then climbing into the palaces singing Rama's glory. Each monkey grabs a rakshasa and leaps off the wall, landing on top while his foe hits the ground beneath.
बाजहिँ भेरि नफीरि अपारा । सुनि कादर उर जाहिँ दरारा ॥
देखि न जाइ कपिन्ह के ठट्टा । अति-बिसाल-तनु भालु सुभट्टा ॥
bājahim̐ bheri naphīri apārā | suni kādara ura jāhim̐ darārā ||
dekhi na jāi kapinha ke ṭhaṭṭā | ati-bisāla-tanu bhālu subhaṭṭā ||
धावहिं गनहिँ न अवघट घाटा । पर्वत फोरि करहिं गहि बाटा ॥
कटकटाहिँ कोटिन्ह भट गर्जहिँ । दसन ओठ काटहिं अति तर्जहिँ ॥
dhāvahiṃ ganahim̐ na avaghaṭa ghāṭā | parvata phori karahiṃ gahi bāṭā ||
kaṭakaṭāhim̐ koṭinha bhaṭa garjahim̐ | dasana oṭha kāṭahiṃ ati tarjahim̐ ||
उत रावन इत राम दोहाई । जयति जयति जय परी लराई ॥
निसिचर सिखर समूह, ढहावहिँ । कूदि धरहिँ कपि फेरि चलावहिं ॥
uta rāvana ita rāma dohāī | jayati jayati jaya parī larāī ||
nisicara sikhara samūha, ḍhahāvahim̐ | kūdi dharahim̐ kapi pheri calāvahiṃ ||
धरि कुधर खंड प्रचंड कर्कट भालु गढ़ पर डारहीं ।
झपटहिं चरन गहि पटकि महि भजि, चलत बहुरि पचारहीं ॥
अति-तरल तरुन-प्रताप तरपहिं, तमकि गढ़ चढ़ि चढ़ि गये ।
कपि भालु चढ़ि मंदिरन्ह जहँ तहँ, राम-जस गावत भये ॥
dhari kudhara khaṃḍa pracaṃḍa karkaṭa bhālu gar̤ha para ḍārahīṃ |
jhapaṭahiṃ carana gahi paṭaki mahi bhaji, calata bahuri pacārahīṃ ||
ati-tarala taruna-pratāpa tarapahiṃ, tamaki gar̤ha car̤hi car̤hi gaye |
kapi bhālu car̤hi maṃdiranha jaham̐ taham̐, rāma-jasa gāvata bhaye ||
एक एक निसिचर गहि पुनि कपि चले पराइ ।
ऊपर आप हेठ भट, गिरहिं धरनि पर आइ ॥
eka eka nisicara gahi puni kapi cale parāi |
ūpara āpa heṭha bhaṭa, girahiṃ dharani para āi ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0