6 verses · 42 of 121
Strong in Rama's might, the monkeys crush the rakshasas and climb the fort. The rakshasas flee like clouds before a gale. A great wail rises in the city; children cry and women are frantic. All curse Ravana: ruling, he has called death to us. Hearing his army has broken, Ravana is furious and turns his warriors back: whoever I find has turned from battle, I will kill with my fearful sword. You ate all I had and enjoyed every pleasure; now on the field your lives are dear to you? Ashamed, they turn back. Death facing the foe is a hero's glory, so they give up the love of life and batter the bears and monkeys with clubs and tridents.
राम-प्रताप-प्रबल कपि-जूथा । मर्दहिँ निसिचर-निकर-बरूथा ॥
चढ़े दुर्ग पुनि जहँ तहँ बानर । जय रघुबीर प्रताप-दिवाकर ॥
rāma-pratāpa-prabala kapi-jūthā | mardahim̐ nisicara-nikara-barūthā ||
car̤he durga puni jaham̐ taham̐ bānara | jaya raghubīra pratāpa-divākara ||
चले निसाचर-निकर पराई । प्रबल पवन जिमि घन समुदाई ॥
हाहाकार भयउ पुर भारी । रोवहिँ बालक आतुर नारी ॥
cale nisācara-nikara parāī | prabala pavana jimi ghana samudāī ||
hāhākāra bhayau pura bhārī | rovahim̐ bālaka ātura nārī ||
सब मिलि देहिँ रावनहि मारी । राज करत एहिं मृत्यु हँकारी ॥
निज दल बिचल सुनी तेहिं काना । फेरि सुभट लंकेस रिसाना ॥
saba mili dehim̐ rāvanahi mārī | rāja karata ehiṃ mṛtyu ham̐kārī ||
nija dala bicala sunī tehiṃ kānā | pheri subhaṭa laṃkesa risānā ||
जो रन-बिमुख फिरा मैं जाना । सो मैं हतब कराल कृपाना ॥
सरबस खाइ भोग करि नाना । समर-भूमि भये बल्लभ प्राना ॥
jo rana-bimukha phirā maiṃ jānā | so maiṃ hataba karāla kṛpānā ||
sarabasa khāi bhoga kari nānā | samara-bhūmi bhaye ballabha prānā ||
उग्र बचन सुनि सकल डेराने । फिरे क्रोध करि बीर लजाने ॥
सनमुख मरन धीर के सोभा । तब तिन्ह तजा प्रान कर लोभा ॥
ugra bacana suni sakala ḍerāne | phire krodha kari bīra lajāne ||
sanamukha marana dhīra ke sobhā | taba tinha tajā prāna kara lobhā ||
बहु-आयुध-धर सुभट सब, भिरहिं पचारि पचारि ।
व्याकुल कीन्हे भालु-कपि, परिघ त्रिसूलन्हि मारि ॥
bahu-āyudha-dhara subhaṭa saba, bhirahiṃ pacāri pacāri |
vyākula kīnhe bhālu-kapi, parigha trisūlanhi māri ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0
