लंकाँ भयउ कोलाहल भारी । सुना दसानन अति अहँकारी ॥
देखहु बनरन्ह केरि ढिठाई । बिहँसि निसाचर सेन बोलाई ॥
laṃkām̐ bhayau kolāhala bhārī | sunā dasānana ati aham̐kārī ||
dekhahu banaranha keri ḍhiṭhāī | biham̐si nisācara sena bolāī ||
Lanka Kanda
Chapter 40: Ravana sends his rakshasas to the walls
6 verses · 40 of 121
What happens in this chapter
Ravana sends his rakshasas to the walls
Uproar rises in Lanka. Ravana laughs: see the cheek of these monkeys. Time has driven them here and my rakshasas are hungry; the Creator has sent food to our door. Go in all four directions and eat every bear and monkey. Shiva tells Uma that Ravana's pride is like the tittibha bird that sleeps on its back. The rakshasas march out with spears, maces, axes, tridents, swords, iron clubs and boulders. As carrion birds swoop on a heap of red stones, never thinking of their beaks, so the man-eaters run in ignorance. Millions of them climb the battlements of the fort.
आये कीस काल के प्रेरे । छुधावन्त सब निसिचर मेरे ॥
अस कहि अट्टहास सठ कीन्हा । गृह बैठे अहार बिधि दीन्हा ॥
āye kīsa kāla ke prere | chudhāvanta saba nisicara mere ||
asa kahi aṭṭahāsa saṭha kīnhā | gṛha baiṭhe ahāra bidhi dīnhā ||
सुभट सकल चारिहुँ दिसि जाहू । धरि धरि भालु कीस सब खाहू ॥
उमा रावनहि अस अभिमाना । जिमि टिट्टिभ-खग सूत उताना ॥
subhaṭa sakala cārihum̐ disi jāhū | dhari dhari bhālu kīsa saba khāhū ||
umā rāvanahi asa abhimānā | jimi ṭiṭṭibha-khaga sūta utānā ||
चले निसाचर आयसु मागी । गहि कर भिंडिपाल बर साँगी ॥
तोमर मुग्दर परसु प्रचंडा । सूल कृपान परिघ गिरिखंडा ॥
cale nisācara āyasu māgī | gahi kara bhiṃḍipāla bara sām̐gī ||
tomara mugdara parasu pracaṃḍā | sūla kṛpāna parigha girikhaṃḍā ||
जिमि अरुनोपल निकर निहारी । धावहिँ सठ खग मांस-अहारी ॥
चोंच-अङ्ग-दुख तिन्हहिं न सूझा । तिमि धाये मनुजाद अबूझा ॥
jimi arunopala nikara nihārī | dhāvahim̐ saṭha khaga māṃsa-ahārī ||
coṃca-aṅga-dukha tinhahiṃ na sūjhā | timi dhāye manujāda abūjhā ||
नानायुध सर चाप धर, जातुधान-बल बीर ।
कोट कँगूरन्हि चढ़ि गये, कोटि कोटि रनधीर ॥
nānāyudha sara cāpa dhara, jātudhāna-bala bīra |
koṭa kam̐gūranhi car̤hi gaye, koṭi koṭi ranadhīra ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0