पति सिर देखत मन्दोदरी । मुरछित बिकल धरनि खसि परी ॥
जुबति बृन्द रोवत, उठि धाईँ । तेहि उठाइ रावन पहिँ आई ॥
pati sira dekhata mandodarī | murachita bikala dharani khasi parī ||
jubati bṛnda rovata, uṭhi dhāīm̐ | tehi uṭhāi rāvana pahim̐ āī ||
Lanka Kanda
Chapter 104: Mandodari's lament and her praise of Rama
9 verses · 104 of 121
What happens in this chapter
Mandodari's lament and her praise of Rama
Seeing her husband's heads, Mandodari faints. The women lift her and come weeping to Ravana's body, hair loose, beating their breasts. Mandodari cries: by your strength the earth shook and fire and sun lost their heat, and now that body lies in the dust. Varuna, Kubera, Indra and Vayu never stood before you; you conquered Death and Yama, and today you lie like one with no protector. Turned against Rama, you are left with no one of your line to mourn you; jackals eat your heads, and for one hostile to Rama that is no wonder. She knows Rama now as Hari himself, whom Shiva and Brahma bow to. Ah, there is no ocean of mercy like Raghunatha: he gave you the state yogis find hard to reach.
पति गति देखि ते करहिँ पुकारा । छूटे कच नहिँ बपुष तारा ॥
उर ताड़ना करहिँ बिधि नाना । रोवत करहिं प्रताप बखाना ॥
pati gati dekhi te karahim̐ pukārā | chūṭe kaca nahim̐ bapuṣa tārā ||
ura tār̤anā karahim̐ bidhi nānā | rovata karahiṃ pratāpa bakhānā ||
तब बल नाथ ढोल नित धरनी । तेज हीन पावक सखि तरनी ॥
सेष कमठ सहि सकहिं न भारा । सो तनु भूमि परेउ भरि छारा ॥
taba bala nātha ḍhola nita dharanī | teja hīna pāvaka sakhi taranī ||
seṣa kamaṭha sahi sakahiṃ na bhārā | so tanu bhūmi pareu bhari chārā ||
बरुन कुबेर सुरेस समीरा । रन सन्मुख पर काहु न धीरा ॥
भुजबल जितेहु काल जम साईं । आजु परेहु अनाथ की नाईं ॥
baruna kubera suresa samīrā | rana sanmukha para kāhu na dhīrā ||
bhujabala jitehu kāla jama sāīṃ | āju parehu anātha kī nāīṃ ||
जगत बिदित तुम्हारि प्रभुताई । सुत परिजन बल बरनि न जाई ॥
राम बिमुख अस हाल तुम्हारा । रहा न कोउ कुल रोवनिहारा ॥
jagata bidita tumhāri prabhutāī | suta parijana bala barani na jāī ||
rāma bimukha asa hāla tumhārā | rahā na kou kula rovanihārā ||
तब बस विधि प्रपञ्च सब नाथा । सभय दिसिप नित नावहिं माथा ॥
अब तव सिर भुज जम्बुक खाहीं । राम बिमुख यह अनुचित नाहीं ॥
taba basa vidhi prapañca saba nāthā | sabhaya disipa nita nāvahiṃ māthā ||
aba tava sira bhuja jambuka khāhīṃ | rāma bimukha yaha anucita nāhīṃ ||
काल बिबस पति कहा न माना । अग जग नाथु मनुज करि जाना ॥
kāla bibasa pati kahā na mānā | aga jaga nāthu manuja kari jānā ||
छं. जान्यो मनुज करि दनुज-कानन, दहन पावक हरि स्वयं ।
जेहि नमत सिव ब्रह्मादि सुर पिय, भजेहु नहिँ करुनामयं ॥
आजन्म त परद्रोह-रस पापौघमय तब तनु अर्थ ।
तुम्हहू दियो निज धाम राम नमामि ब्रह्म निरामयं ॥
chaṃ. jānyo manuja kari danuja-kānana, dahana pāvaka hari svayaṃ |
jehi namata siva brahmādi sura piya, bhajehu nahim̐ karunāmayaṃ ||
ājanma ta paradroha-rasa pāpaughamaya taba tanu artha |
tumhahū diyo nija dhāma rāma namāmi brahma nirāmayaṃ ||
अहह नाथ रघुनाथ सम, कृपासिन्धु नहिँ आन ।
जोगि बृन्द दुर्लभ गति, तोहि दीन्हि भगवान ॥
ahaha nātha raghunātha sama, kṛpāsindhu nahim̐ āna |
jogi bṛnda durlabha gati, tohi dīnhi bhagavāna ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0