लायक एक नाभि सर सोखा । अपर लगे भुज सिर करि रोषा ॥
लै सिर बाहु चले नाराचा । सिर-भुज हीन रुंड महि नाचा ॥
lāyaka eka nābhi sara sokhā | apara lage bhuja sira kari roṣā ||
lai sira bāhu cale nārācā | sira-bhuja hīna ruṃḍa mahi nācā ||
Lanka Kanda
Chapter 103: Ravana falls and his light enters Rama
9 verses · 103 of 121
What happens in this chapter
Ravana falls and his light enters Rama
One arrow dries up the nectar in the navel; the others carry away the heads and arms. The headless trunk dances on the ground and runs on, and the Lord cuts it in two. Dying, Ravana roars: where is Rama? The earth shakes as he falls, and his two halves crush bears and monkeys. The arrows lay the heads and arms before Mandodari and return to the quiver. Ravana's radiance enters the Lord's face, and Shambhu and Brahma rejoice. Cries of victory fill the universe and devas shower flowers: victory to Mukunda, the merciful. On the field Rama shines with flowers in his matted hair and drops of blood on his body. With a glance of grace he frees the devas from fear.
धरनि धसइ पर धाव प्रचंडा । तब सर हति प्रभु कृत दुइ खंडा ॥
गर्जेउ मरत घोर रव भारी । कहाँ राम रन भयउँ पचारी ॥
dharani dhasai para dhāva pracaṃḍā | taba sara hati prabhu kṛta dui khaṃḍā ||
garjeu marata ghora rava bhārī | kahām̐ rāma rana bhayaum̐ pacārī ||
डोली भूमि गिरत दसकन्धर । छुभित सिन्धु सरि दिग्गज भूधर ॥
धरनि परेउ दोउ खंड बढ़ाई । चापि भालु मर्कट समुदाई ॥
ḍolī bhūmi girata dasakandhara | chubhita sindhu sari diggaja bhūdhara ||
dharani pareu dou khaṃḍa bar̤hāī | cāpi bhālu markaṭa samudāī ||
मन्दोदरि आगें भुज सीसा । धरि सर चले जहाँ जगदीसा ॥
प्रविसे सब निषङ्ग महँ जाई । देखि सुरन्ह दुंदुभीं बजाई ॥
mandodari āgeṃ bhuja sīsā | dhari sara cale jahām̐ jagadīsā ||
pravise saba niṣaṅga maham̐ jāī | dekhi suranha duṃdubhīṃ bajāī ||
तासु तेज समान प्रभु आनन । हरषे देखि सम्भु चतुरानन ॥
जय जय धुनि पूरी ब्रह्मंडा । जय रघुबीर प्रबल भुजदंडा ॥
tāsu teja samāna prabhu ānana | haraṣe dekhi sambhu caturānana ||
jaya jaya dhuni pūrī brahmaṃḍā | jaya raghubīra prabala bhujadaṃḍā ||
बरषहिँ सुमन देव-सुनि-बृन्दा । जय कृपाल जय जयति मुकुंदा ॥
baraṣahim̐ sumana deva-suni-bṛndā | jaya kṛpāla jaya jayati mukuṃdā ||
जय कृपा कन्द मुकंद द्वन्द-हरन सरन-सुख-प्रद प्रभो ।
खल-दल-बिदारन परम कारन, कारुनीक सदा विभो ॥
सुर सुमन परहिं हरष सङ्कुल, बाज दुन्दुभि गहगही ।
सङ्ग्राम-अङ्गन राम अङ्ग अनङ्ग बहु सोभा लही ॥
jaya kṛpā kanda mukaṃda dvanda-harana sarana-sukha-prada prabho |
khala-dala-bidārana parama kārana, kārunīka sadā vibho ||
sura sumana parahiṃ haraṣa saṅkula, bāja dundubhi gahagahī |
saṅgrāma-aṅgana rāma aṅga anaṅga bahu sobhā lahī ||
सिर जटा मुकुट प्रसून बिच बिच, अति मनोहर राजहीं ।
जनु नीलगिरि पर तड़ित पटल, समेत उडुगन भ्राजहीं ॥
भुजदंड सर कोदंड फेरत, रुधिर कन तन अति बने ।
जनु रायमुनीं तमाल पर बैठीं बिपुल सुख आपने ॥
sira jaṭā mukuṭa prasūna bica bica, ati manohara rājahīṃ |
janu nīlagiri para tar̤ita paṭala, sameta uḍugana bhrājahīṃ ||
bhujadaṃḍa sara kodaṃḍa pherata, rudhira kana tana ati bane |
janu rāyamunīṃ tamāla para baiṭhīṃ bipula sukha āpane ||
कृपा दृष्टि करि प्रभु, अभय किए सुर बृन्द ।
भालु कीस सब हरषे, जय सुख धाम मुकंद ॥
kṛpā dṛṣṭi kari prabhu, abhaya kie sura bṛnda |
bhālu kīsa saba haraṣe, jaya sukha dhāma mukaṃda ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0