दादुर धुनि चहुँ दिसा सुहाई । बेद पढ़हिँ जनु बटु समुदाई ॥
नव पल्लव भये बिटप अनेका । साधक मन जस मिलें बिबेका ॥
dādura dhuni cahum̐ disā suhāī | beda par̤hahim̐ janu baṭu samudāī ||
nava pallava bhaye biṭapa anekā | sādhaka mana jasa mileṃ bibekā ||
Kishkindha Kanda
Chapter 15: More monsoon images, of dharma and folly
8 verses · 15 of 30
What happens in this chapter
More monsoon images, of dharma and folly
The frogs croak on every side like a band of students reciting the Veda. The ark and javasa shrubs lose their leaves, as the schemes of the wicked fail under good rule. Fireflies glitter in the dark night like a gathering of hypocrites. Heavy rain breaks the field banks, as women spoil when left unrestrained, says Rama. Clever farmers weed their crops as the wise weed out delusion, pride and arrogance. The chakravaka bird is nowhere seen, as dharma flees in Kali Yuga. Day turns dark, then the sun shines, as knowledge is lost and found through bad and good company.
अर्क जवास पात बिनु भयऊ । जस सुराज खल उद्यम गयऊ ॥
खोजत कतहुँ मिलइ नहिं धूरी । करइ क्रोध जिमि धरमहि दूरी ॥
arka javāsa pāta binu bhayaū | jasa surāja khala udyama gayaū ||
khojata katahum̐ milai nahiṃ dhūrī | karai krodha jimi dharamahi dūrī ||
ससि-सम्पन्न सोह महि कैसी । उपकारी के सम्पति जैसी ॥
निसि तम घन खद्योत बिराजा । जनु दंभिन्ह कर मिला समाजा ॥
sasi-sampanna soha mahi kaisī | upakārī ke sampati jaisī ||
nisi tama ghana khadyota birājā | janu daṃbhinha kara milā samājā ||
महावृष्टि चलि फूटि किआरीं । जिमि सुतन्त्र भये बिगरहिँ नारीं ॥
कृषी निरावहिं चतुर किसाना । जिमि बुध तजहिँ मोह-मद माना ॥
mahāvṛṣṭi cali phūṭi kiārīṃ | jimi sutantra bhaye bigarahim̐ nārīṃ ||
kṛṣī nirāvahiṃ catura kisānā | jimi budha tajahim̐ moha-mada mānā ||
देखिअत चक्रबाक खग नाहीं । कलिहि पाइ जिमि धरम पराहीं ॥
ऊषर बरषइ तृन नहिँ जामा । जिमि हरिजन हियँ उपज न कामा ॥
dekhiata cakrabāka khaga nāhīṃ | kalihi pāi jimi dharama parāhīṃ ||
ūṣara baraṣai tṛna nahim̐ jāmā | jimi harijana hiyam̐ upaja na kāmā ||
बिबिध जन्तु सङ्कुल महि भ्राजा । प्रजा बाढ़ जिमि पाइ सुराजा ॥
जहँ तहँ रहे पथिक थकि नाना । जिमि इंद्रिय गन उपजें ज्ञाना ॥
bibidha jantu saṅkula mahi bhrājā | prajā bār̤ha jimi pāi surājā ||
jaham̐ taham̐ rahe pathika thaki nānā | jimi iṃdriya gana upajeṃ jñānā ||
कबहुँ प्रबल बह मारुत, जहँ तहँ मेघ बिलाहिँ ।
जिमि कपूत के उपजें, कुल सद्धर्म नसाहिँ ॥
kabahum̐ prabala baha māruta, jaham̐ taham̐ megha bilāhim̐ |
jimi kapūta ke upajeṃ, kula saddharma nasāhim̐ ||
कबहुँ दिवस महं निबिड़ तम, कबहुँक प्रगट पतङ्ग ।
बिनसइ उपजइ ज्ञान जिमि, पाइ कुसङ्ग सुसङ्ग ॥
kabahum̐ divasa mahaṃ nibir̤a tama, kabahum̐ka pragaṭa pataṅga |
binasai upajai jñāna jimi, pāi kusaṅga susaṅga ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0