बरषा बिगत सरद रितु आई । लछिमन देखहु परम सुहाई ॥
फूलें कास सकल महि छाई । जनु बरषाँ कृत प्रगट बुढ़ाई ॥
baraṣā bigata sarada ritu āī | lachimana dekhahu parama suhāī ||
phūleṃ kāsa sakala mahi chāī | janu baraṣām̐ kṛta pragaṭa bur̤hāī ||
Kishkindha Kanda
Chapter 16: Autumn arrives: images of the clear mind
6 verses · 16 of 30
What happens in this chapter
Autumn arrives: images of the clear mind
The rains pass and autumn comes. Look, Lakshmana, says Rama, how lovely it is. White kasa grass flowers across the earth, as if the rains had shown their old age. Agastya's star rises and dries the water on the paths, as contentment dries up greed. Rivers and lakes run clear like a saint's heart freed of pride and delusion. Wagtails arrive knowing autumn has come, as good deeds bear fruit in their season. The cloudless sky shines like a devotee who has dropped all hope. Light autumn showers fall here and there, as few attain My bhakti. Kings, ascetics, merchants and beggars set out gladly, as the four ashramas leave their toil on gaining devotion to Hari.
उदित अगस्ति पन्थ जल सोषा । जिमि लोभहि सोखइ सन्तोखा ॥
सरिता-सर निर्मल जल सोहा । सन्त हृदय जस गत-मद मोहा ॥
udita agasti pantha jala soṣā | jimi lobhahi sokhai santokhā ||
saritā-sara nirmala jala sohā | santa hṛdaya jasa gata-mada mohā ||
रस रस सूख सरित सर पानी । ममता त्याग करहिँ जिमि ज्ञानी ॥
जानि सरद-रितु खंजन आये । पाइ समय जिमि सुकृत सुहाये ॥
rasa rasa sūkha sarita sara pānī | mamatā tyāga karahim̐ jimi jñānī ||
jāni sarada-ritu khaṃjana āye | pāi samaya jimi sukṛta suhāye ||
पंक न रेनु सोह असि धरनी । नीति निपुन नृप के जसि करनी ॥
जल सङ्कोच बिकल भइँ मीना । अबुध कुटुम्बी जिमि धन हीना ॥
paṃka na renu soha asi dharanī | nīti nipuna nṛpa ke jasi karanī ||
jala saṅkoca bikala bhaim̐ mīnā | abudha kuṭumbī jimi dhana hīnā ||
बिनु धन निर्मल सोह अकासा । हरिजन इव परिहरि सब आसा ॥
कहुँ कहुँ वृष्टि सारदी थोरी । कोउ एक पाव भगति जिमि मोरी ॥
binu dhana nirmala soha akāsā | harijana iva parihari saba āsā ||
kahum̐ kahum̐ vṛṣṭi sāradī thorī | kou eka pāva bhagati jimi morī ||
चले हरषि तजि नगर नप, तापस बनिक भिखारि ।
जिमि हरिभगति पाइ श्रम, तजहि आश्रमी चारि ॥
cale haraṣi taji nagara napa, tāpasa banika bhikhāri |
jimi haribhagati pāi śrama, tajahi āśramī cāri ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0