उभय घरी अस कौतुक भयऊ । जब लगि काम सम्भु पहिँ गयऊ ॥
सिवहि बिलोकि ससङ्केउ मारू । भयउ जथाथिति सब संसारू ॥
ubhaya gharī asa kautuka bhayaū | jaba lagi kāma sambhu pahim̐ gayaū ||
sivahi biloki sasaṅkeu mārū | bhayau jathāthiti saba saṃsārū ||
Bala Kanda
Chapter 86: Spring blooms but Shiva's samadhi holds
6 verses · 86 of 361
What happens in this chapter
Spring blooms but Shiva's samadhi holds
This play lasts two ghadis, until Kama reaches Shambhu. Seeing Shiva, Kama is afraid, and the whole world returns to its normal state. All beings are suddenly at ease, like drunkards when the intoxication wears off. Looking at Rudra, the unassailable and unreachable Lord, Kama is terrified, yet turning back would bring shame. Resolved to die, he makes his plan. He brings forth spring, king of seasons; trees burst into new flower, and every quarter grows lovely. Love seems to overflow everywhere; desire wakes even in dead hearts. A cool, fragrant, gentle breeze, fire's friend, blows, birds sing and apsaras dance. Kama tries every art in countless ways and is defeated with his army; Shiva's samadhi does not move. Then Kama grows angry.
भये तुरत सब जीव सुखारे । जिमि मद उतरि गये मतवारे ॥
रुद्रहि देखि मदन भय माना । दुराधरष दुर्गम भगवाना ॥
bhaye turata saba jīva sukhāre | jimi mada utari gaye matavāre ||
rudrahi dekhi madana bhaya mānā | durādharaṣa durgama bhagavānā ||
फिरत लाज कछु करि नहिँ जाई । मरन ठानि मन रचेसि उपाई ॥
प्रगटेसि तुरत रुचिर रितुराजा । कुसुमित नव तरु सखा बिराजा ॥
phirata lāja kachu kari nahim̐ jāī | marana ṭhāni mana racesi upāī ||
pragaṭesi turata rucira riturājā | kusumita nava taru sakhā birājā ||
बन उपबन बापिका तड़ागा । परम सुभग सब दिसा विभागा ॥
जहँ तहँ जनु उमगत अनुरागा । देखि मुएहुँ मन मनसिज जागा ॥
bana upabana bāpikā tar̤āgā | parama subhaga saba disā vibhāgā ||
jaham̐ taham̐ janu umagata anurāgā | dekhi muehum̐ mana manasija jāgā ||
जागेउ मनोभव मुएहुँ मन बन, सुभगता न परइ कही ।
सीतल सुगन्ध सुमन्द मारुत, मदन-अनल सखा सही ॥
बिकसे सरन्हि बहु कञ्ज गुञ्जत, पुञ्ज मञ्जुल मधुकरा ।
कलहंस पिक सुक सरस-रव करि, गान नाचहिँ अपछरा ॥
jāgeu manobhava muehum̐ mana bana, subhagatā na parai kahī |
sītala sugandha sumanda māruta, madana-anala sakhā sahī ||
bikase saranhi bahu kañja guñjata, puñja mañjula madhukarā |
kalahaṃsa pika suka sarasa-rava kari, gāna nācahim̐ apacharā ||
सकल कला करि कोटि बिधि, हारेउ सेन समेत ।
चली न अचल समाधि सिव, कोपेउ हृदय निकेत ॥
sakala kalā kari koṭi bidhi, hāreu sena sameta |
calī na acala samādhi siva, kopeu hṛdaya niketa ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0