देखि रसाल बिटप बर साखा । तेहि पर चढ़ेउ मदन मन माखा ॥
सुमन चाप निज सर सन्धाने । अति रिस ताकि स्रबन लगि ताने ॥
dekhi rasāla biṭapa bara sākhā | tehi para car̤heu madana mana mākhā ||
sumana cāpa nija sara sandhāne | ati risa tāki srabana lagi tāne ||
Bala Kanda
Chapter 87: Kama burned by Shiva's third eye
6 verses · 87 of 361
What happens in this chapter
Kama burned by Shiva's third eye
Spotting a fine mango tree, Kama climbs it in fury, fits his arrows to the flower bow, draws it to his ear and lets fly. The arrows strike Shiva's heart; his samadhi breaks and Shambhu wakes. He looks around. He sees Kama among the mango leaves; his anger shakes the three worlds. Shiva opens his third eye, and at a glance Kama burns to ash. A great cry rises; devas fear and asuras rejoice. Hearing her husband's fate, Rati faints, then goes weeping to Shankara and pleads with joined hands. Gracious Ashutosha says: from now on, Rati, your husband will be called Ananga; bodiless, he will pervade all. Hear how you will meet him again.
छाड़े विषम बान उर लागे । छूटि समाधि सम्भु तब जागे ॥
भयउ ईस मन छोभ बिसेखी । नयन उघारि सकल दिसि देखी ॥
chār̤e viṣama bāna ura lāge | chūṭi samādhi sambhu taba jāge ||
bhayau īsa mana chobha bisekhī | nayana ughāri sakala disi dekhī ||
सौरभ-पल्लव मदन बिलोका । भयउ कोप कम्पेउ त्रैलोका ॥
तब सिवँ तीसर नयन उघारा । चितवत काम भयउ जरि छारा ॥
saurabha-pallava madana bilokā | bhayau kopa kampeu trailokā ||
taba sivam̐ tīsara nayana ughārā | citavata kāma bhayau jari chārā ||
हाहाकार भयउ जग भारी । डरपे सुर भये असुर सुखारी ॥
समुझि काम-सुख सोचहिँ भोगी । भये अकंटक साधक जोगी ॥
hāhākāra bhayau jaga bhārī | ḍarape sura bhaye asura sukhārī ||
samujhi kāma-sukha socahim̐ bhogī | bhaye akaṃṭaka sādhaka jogī ||
जोगी अकंटक भये पति-गति, सुनत रति मुरछित भई ।
रोदति बदति बहु भाँति करुना, करति सङ्कर पहिँ गई ॥
अति प्रेम करि बिनती बिबिध बिधि, जोरि कर सनमुख रही ।
प्रभु आसुतोष कृपाल सिव, अबला निरखि बोले सही ॥
jogī akaṃṭaka bhaye pati-gati, sunata rati murachita bhaī |
rodati badati bahu bhām̐ti karunā, karati saṅkara pahim̐ gaī ||
ati prema kari binatī bibidha bidhi, jori kara sanamukha rahī |
prabhu āsutoṣa kṛpāla siva, abalā nirakhi bole sahī ||
अब तेँ रति तव नाथ कर, होइहि नाम अनङ्ग ।
बिनु बपु ब्यापिहि सबहि पुनि, सुनु निज मिलन प्रसङ्ग ॥
aba tem̐ rati tava nātha kara, hoihi nāma anaṅga |
binu bapu byāpihi sabahi puni, sunu nija milana prasaṅga ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0